خالد الغندور يفتح النار علي اتحاد اليد بعد التعنت ضد الزمالك : هشام نصر بيتفسح .. وحسن مصطفي ملوش مزاج

اكد خالد الغندور مقدم برنامج زملكاوي عبر قناة الزمالك ان اتحاد اليد يتعنت ضد الابيض ويرفض استكمال دوري يد الموسم القديم لان الزمالك الاقرب للتتوج به

حيث قال  : كان عندنا مباراة في كرة اليد بين كبير القارة السمراء والعرب ومصر الزمالك رغم عدم تقاضيهم مستحقاتهم من شهور واكتر من مشكلة والاهلي تعاقد مع صفقات كبيرة ولعيبة اجنبيه وتقدم بالشوط الاول والدرع من الثبات جاب الهدف ال28 من شوطه وكسبنا

وتابع : والنهارده مش بطولة احنا تساوينا بالنقاط مع الاهلي وسبورتنج ، الدنيا قامت ومقعدتش بعد الكورونا والنشاط الرياضي والاهلي متصدر فرق 20 نقطة وقولنا لو الدوري رجع الموسم الجديد هيبوظ لا هنكمل علشان الاهلي انما اليد علشان الزمالك متصدر مرجعش

واضاف : احنا متصدرين في اليد لكن حسن مصطفى مالوش مزاج علشان الزمالك وهشام نصر قالك لا والناس هتنسى ولما فوزنا النهارده مقولناش القاضية ممكن لاننا متعودين ومش بطولة

واستطرد : الزمالك بيروح عليه دوري بسبب هشام نصر اللي بيتفسح مع اسرته ماخدش قرار وياعم كبر هينسوه احنا بنلعب بطولة جديدة نطلع قرار ليه الناس هتنسى متعرفش ليه الاسبوعين مرجعوش وكل الالعاب رجعت رجعنا النشاط

وواصل : علشان الاهلي متصدر لكن اليد لا الزمالك متصدر ولو كان الماتش اللي اتلعب ده من المباراتين المتبقين من الدوري الللي فات كان باقي مباراة والموسم ينتهي

واتم : مبروك لرجالة اليد وفاز على فريق مصروف عليه ملايين ومعرفش يكسب الزمالك