نصيحة طارق يحيي لباتشيكو قبل مواجهة الاسماعيلي : يجب ثبات هذا الثلاثي فى التشكيل

اكد طارق يحيى نجم الزمالك السابق ان الاسماعيلي يمر بحالة سيئه لم يمر بها من قبل والمباراة لن تقبل القسمة علي اتنين

حيث قال عبر برنامج زملكاوي : مباراة الزمالك والاسماعيلي لاتقبل القسمة على اثنين والاسماعيلي خسروا 5 مباريات وعمرها ماحصلت وبيمر بحالة انعدام وزن بسبب تغيير الاجهزة الفنية وفي اصابات

وواصل : الزمالك ميعيش على الليلة دي لانه فقد نقط مكنش ينفع يخسرها مع احترامي لاسوان والمحلة ولازم يلعب على المكسب واللعيبة تركز شويه ونشوف اداء كويس واهداف بقى ولازم تهاجم

ونصح يحيي المدرب باتشيكو بضرورة ثبات صناع اللعب حيث قال : متغيرش التلاته اللي تحت رأس الحربة ويكون احمد زيزو وبن شرقي ويوسف اوباما

وقال طارق يحيى : بن شرقي قالي الواد ده اسامه فيصل من احسن الفراوده اللي بيتحركوا داخل منطقة الجزاء ومستقبل كبير جدا

وتطرق طارق يحيي قي حديثه : وحسام اشرف لاعب هايل ، وحسين فيصل عنده مميزات كتير ومهاري جدا لكن بطئ شويه