خطف فريق وادي دجلة متذيل جدول الدوري نقطة ثمينة بتعادله سلبيا أمام الزمالك صاحب الصدارة، في اللقاء الذي انتهى قبل قليل باستاد السلام، ضمن منافسات الجولة الرابعة عشرة من مسابقة الدوري المصري الممتاز.
ومن جانبه قال جايمي باتشيكو المدير الفني لنادي الزمالك عقب اللقاء:” اكيد مش مبسوط وحزين عشان مكسبناش لكن لازم نعرف ان في منافس عنده طموح برضو وفي ماتشات كان فيها حماس كبير الفترة دي”.
وأشار:”كنا بنحاول نحرز بكل الطرق وزودنا عدد المهاجمين ولعبنا على الطرفين بنصنع فرص ولكن مش بنقدر نستغلها جيدا، واللاعبين عملت اللي عليها”.
وأضاف “باتشيكو” في المؤتمر الصحفي للقاء :” الكورة مش عايزة تدخل لأسباب غير فنية لاننا بنوصل، وبفضل حارس دجلة الكرة مدخلتش وغياب التوفيق برضو صعب احدد السبب في عدم الفوز لكن عملنا كل حاجة”.
وتابع:”مينفعش العب بـ٣ مهاجمين مع بعض عشان يركبوا بعض بهتم بالطرفين عشان يلعبوا العرضيات لهم دائما”.
وأتم :”كل نادي عنده مشاكل واللاعبين الغائبة لأسباب إصابة، تغيير إمام بسبب مستواه هو كان عنده مشاكل في رجله وأثرت على مستواه النهاردة .. عندنا الامل لتحسين النتائج”.
