لقاء الخميسي تفتح النار علي حسام البدري بسبب عبد المنصف … ” امتي مش هيبقي في حسابات في الشغل !؟ “

شنت الفنانة لقاء الخميسي زوجة حارس مرمى نادي وادي دجلة “محمد عبد المنصف” هجوم شديد على حسام البدري المدير الفني لمنتخب مصر بعد إعلان قائمة المنتخب للمعسكر المقبل.

و كتبت لقاء الخميسي عبر حسابها الشخصي على فيس بوك : انا عمري ماتدخلت في موضوع الكورة ، بتابع من بعید وباشجع اوسه لاني مؤمنه بيه من اول لحظة .

و واصلت : جول موهوب وتحالفت ظروف كتير عليه وكان بيلعب في ضغط نفسي كبير لا يتحمله اي انسان ومع ذلك قاوم وكمل وبقى من افضل واقوى اجوال مصر !.

و تابعت : واللي اعرفه ان الاجوال مالهمش علاقه بالعمر طالما في فورمة كويسه ومتألق .

و أضافت : اوسه كان في المنتخب وكان دائما راجل وكابتن الجوهري رحمه الله كان بيحب اوسه وبیدعمه لاول مره هاقول رأيي في اختيارات المنتخب ومالهاش علاقه بالاعبين المختارين .

و أردفت : عدم اختیار اوسه في المنتخب يدل وبشكل واضح ان التقييم والاختيار غير عادل وليس له اي علاقة باللاعب واجتهاده وادائه وانما في معايير تانية غير مفهومه للاختيارات !!!

و تابعت : ودا الي يخليني اسأل نفسي : امتى مش هايبقى في حسابات انسانيه في الشغل ، امتى هايبقى الفيصل هو الاداء ومن يستحق .. امتى هانخرج عواطفنا بره منظومة العمل في كل مجالات مصر مش بس الكوره . اللي حصل دا ظلم كبير ، احنا محتاجين نتغير وندي كل ذي حقٍ حقه .

و أتمت تصريحاتها قائلة : اوسه من غير المنتخب برده مكمل في النجاح بس احساس وجوده في ” منتخب مصر ” ليه رونق وطعم تاني وشرف لكل لاعب واوسه يستحق .