هاجم أحمد حسام ميدو نجم الزمالك السابق الأشخاص الذين يروجون الإشاعات حول الفريق الأول لكرة القدم في نادي الزمالك، مشيرًا إلي أن هناك بعض الأشخاص يحاولون تنفيذ أجندة خاصة لهدم الفريق.
وقال ” ميدو” :”اللي عنده أجندة بينفذها لأشخاص بقوله خلاص الموضوع انتهى جيم اوفر وصلنا لليفل الوحش، ولا الزمالك ناقص تشتيت ولا لعيبه الزمالك ناقصه”.
وأشار :” رغم دفاعي عن زيزو وأنه مضغوط وكان لازم يرد لكنى بلوم عليه برضوا والرد لازم يبقى في الملعب مش السوشيال ميديا”.
وأضاف “ميدو” خلال تقديمه حلقة جديدة من برنامج ” أوضة اللبس” على قناة ” النهار” :”بقول لجمهور الزمالك متظلموش اللاعب.. الراجل ده بروفشنل وهو الكيرف بتاعه نزل متفق معاكم وكان قبل كده أفضل بكثير لكن أوقفوا جنب اللاعب و حافظوا علي لعيبتكم”.
وتابع :” هو انت دلوقتي لما تطلع تقول زيزو او ابوه قعدوا مع النادي الأهلي.. هو انت عرفت منين كنت قريب من الاهلي مثلا ولا قريب من المسئولين هناك عشان تعرف”
وواصل :” الزمالك دخل في منطقة خطر لأكثر من لاعب عقوهم قربت تنتهي وابرزهم زيزو لما يجي الصيف هيبقى فاضله سنه يا تجددله يا تبيعه بسعر كويس”
وأتم ” ميدو” :” هرجع واقول تاني لازم إدارة الزمالك تقعد مع اللعيبه من دلوقتي وتجدد ليهم”.
شاهد:
