والد لاعب الزمالك السابق : الزمالك هيكسب الاهلى”في المشمش”.. واللاعب يرد :شجع فرقتك بس

دخل أحمد عبد الحميد والد تامر عبد الحميد نجم الزمالك ومنتخب مصر الأسبق، في وصلة ساخرة مع نجله عن تشجيع الاهلى والزمالك مؤكداً أنه يشجع الاهلى بقوة ويرى انه يتعرض للظلم .

وقال أحمد عبد الحميد الذى حل ضيفاً على برنامج النجوم فى رمضان مع الاذاعية نجلاء حلمى والناقد الرياضى محمد عراقى عبر أثير إذاعة الشباب والرياضة:” تامر طالع يقول أنى بطرده من البيت عشان الاهلى ، طب ما ليا حق ، وبقوله في المشمش الزمالك يكسب الاهلى ، لعبناهم واحنا ناقصين فريق بالكامل ومعرفوش يكسبوا ، شوف يابنى ركلات الجزاء اللى بتتحسب على الاهلى وبتتحسب لصالح الزمالك”.

و رد تامر عبد الحميد على والده قائلا :” ياحاج خليك في فرقتك وشجعها بس مالكش دعوة بالزمالك ، أنا خايف عليك عشان كورونا ومش باجى أزورك انما بعد كلامك دلوقتى هجيلك وأفطر معاك”.

و رد الحاج أحمد عبد الحميد :” كل شوية تقولى قطبى الكرة المصرية ، طب ازاى يابنى كلمة قطبى دى يعنى في تساوى في القوة انا واخد 42 دوري وانت 12 يبقى ازاى بقى في تساوى ، الزمالك فرقة كويسة بعد رقم 2 بعد الاهلى في كل حاجة”.

ورد تامر عبد الحميد:”ياحاج هقول للناس انك كنت بتيجى تشجع الاهلى في مدرجات الدرجة الثالثة وانا بلعب في الزمالك وعمرك ماكنت بتفكر تشجعنى”.

و رد الحاج أحمد عبد المجيد :” عمرى ما أشجع حد غير الاهلى

و أكد تامر عبد الحميد أنه يفكر بقوة في خوض انتخابات القلعة البيضاء المقبلة .

وقال تامر عبد الحميد : “بفكر حالياً في خطوة خوض انتخابات الزمالك وبحاول استشير كل الناس المقربة منى في هذه الخطوة”.