اخبار الزمالك

تصريحات نارية من وائل القباني عن إيقاف لاعبي الزمالك وعقوبة شيكابالا

علق وائل القباني مدافع نادي الزمالك على قرارات اتحاد الكرة بشأن إيقاف عدد من لاعبي الزمالك على رأسهم إمام عاشور ولاعبي فريق مواليد 99 في القلعة البيضاء.

وقال ” القباني” :” هل هو كوكتيل والإيقاف في كل المسابقات ولو اتلعب 3 ماتشات في اليوم هيتحسبوا هل الناس اللي بتحط لوائح مش عاملة حسابهم وهل مسابقة 2001 خلصت هيحسبوها فريق أول ولا السنة الجاية”.

وأشار :” أنا مش فاهم ولازم اتحاد الكرة يرد ويقول،  وهل لو جبت فيديو في أي درجة ومش مصرح به هاخد حقي وممكن اجيبلك فيديوهات كتير اووي استحاله محدش هياخد حقه، وهل انت بتعاقب بالفيديو؟”.

وأضاف ” القباني” خلال استضافته في برنامج ” زملكاوي” على قناة ” الزمالك” :” مش امام عاشور هيلعب باسم مصر في الأوليمبياد ؟؟ طب مش الـ 12 مباراة هياثروا على مستواه، ومفيش لوائح جتلك باللي يتعمل خد حقك الزمالك مش قليل ومتقبلش اللي بيحصل”.

وتابع :” الماتش اللي اتشتم فيه شيكابالا مين شتمه مش مفيش جمهور وده مجلس إدارة هو بجمهور ولا لا، والرجل اتشتم مش ده زي ماتش السلة خرج الناس وساب مجلس الإدارة، واتقال لمجلس الزمالك ده ماتش قدم”.

وواصل ” القباني” :”هناخد موقف مش نافع ومخدناش مش نافع، والزمالك مش صغير يعني قول هنسحب واشتكي للفيفا مادام مع الورق القباني، وهو حاجه اسمها قرعه لتحديد بطل 2006 انا مجهودي يطلع بقرعه؟؟واللي متساوي في كل حاجة وبتفكرني زمان في رمضان كنا بنقول عشان مفيش وقت كنا بنعمل قرعة، وفريق 99 تقولي ماتش فاصل وفي فرق اهداف”.

وأكمل ” القباني” :” احنا مش عاوزين 99 مجامله لا سيدي، مش هي عملوها علشان المنتخب الأوليمبي انا مش فاهم حاجه، وانا عاوزه اخد حقي، والقانون يطبق على الكل، واحنا مش ضعفاء لكن طيبين وعلشان تاخد حقك مينفعش تكون طيب ومعك ورق ولوائح روح خد حقك انت مش نادي صغير”.

تعليقات زوار الموقع

اخبار ذات صلة