انتقد محمد ابوالعلا مقدم برنامج زملكاوي تصدير ازمة للنادي من جانب قناة اون سبورت والمذيع الاهلاوي كريم رمزي
حيث قال ابو العلا : بعد فرحتنا الاسبوع الي فات والتجديد للونش وزيز ، فوجئنا بتصريحات اعلامية ضد النادي والجمهور كان مستاء وبدل مانت فرحان ومبسوط ورغم انك بتشتغل وسط ازمات وفي ظروف غير مناسبة ، تلاقي تصريحات تعكر الاستقرار وانت في عز ازماتك
واشار : كان مهم يطلع تصريح من اللجنة كرد فعل طبيعي للحفاظ على حقوق النادي وان الزمالك هيكون له درع وسيف ان لزم الامر ، ومن حق حقنا ندافع عن نفسنا
وواصل : واللجنة اصدرت بيان وده امر طبيعي وبشكر اللجنة انها بتحارب في كل الجبهات والدفاع عن حق الزمالك بتوضح قوة الزمالك والعقول اللي بتدير وناس شغاله في كل الاتجاهات ومعارك كتيره انك تزود الموارد وتجدد للعيبة وتوفر المستحقات
وشئ موضوعي انك تقول مش هتظهر في القناة الا بعد الاعتذار
وواصل : شئ جيد انك تطالب بحقك وان في رد جاء سريعا من اون سبورت ، كان فى شائعات ان الونش وزيزو عندهم عروض وبعدها تم التجديد بمنتهى السلاسة وحصل احتفال ف النادي من االاعبين بتجديد
واستطرد : وبشكر ادارة الزمالك على التعامل السريع مع الازمة هم بيشتغلوا في ظروف صعبه جدا ومحتاجين هدوء ، وباكد ان اللحنة الموجوده رغم الضغوط عندها ضيط نفس
