إبراهيم عبد الجواد يهاجم سيد عبد الحفيظ و يعلق : خليك في فريقك و أنت اللي بتزيد التعصب بين الجماهير | فيديو
شن الإعلامي إبراهيم عبد الجواد هجوم عنيف على سيد عبد الحفيظ مدير الكرة في النادي الأهلي بعد تصريحاته بالأمس و الحديث عن نادي الزمالك بالرغم من فوز فريقه على الإنتاج الحربي.
و قال إبراهيم عبد الجواد في تصريحات تلفزيوينة عبر برنامجه على قناة أون تايم سبورت : سيد عبد الحفيظ بيلعب mind games مع مسئولي الزمالك وده في الكورة موجود وهو جزء كبير من نجاح مدير الكورة .
و تابع : بس لازم يكون ده في إطار معين مينفعش يطلع عنه ، و هات اخرك يا كابتن سيد ف إنك تجيب حق فريقك لكن متدخلش الجمهور في جملة مفيدة مش عايزين نزود التعصب لان الاحتقان كبير ع السوشيال ميديا .
و واصل : وبعدين يا كابتن سيد أنت بتتكلم ع الجونة ليه ؟! أنت مالك بالجونة وبتتكلم علي الجونه ليه من الأساس ؟!
و أردف : خليك في فريقك وبلاش المصطلحات الكبيرة اللي بتزود التعصب دي ،،، يعني ايه أنت فاضلك 9 ماتشات والزمالك فاضله 7 ضربات جزاء .
و أكمل : طب ما جمهور الزمالك سمع تصريحك وبدأ يكلمك عن ترتيب ماتشاتك وجابلك حالات لضربات جزاء كانت ع الأهلي زي بتاع الإنتاج و متحسبتش .
و أتم تصريحاته قائلاً : إحنا مش هنلبس بدل ونطلع نتكلم عن نبذ التعصب وفي الحقيقة البداية من عندنا كمسئولين يبقي الجمهور ميتلمش على رد فعله
