مصطفي فتحي يتحدث عن طموحاته مع الفريق في الفترة المقبلة ،، و وعد الجماهير ،، و من أقرب لاعب له

كشف مصطفي فتحي لاعب نادي الزمالك و العائد من الإعارة لـ فريق سموحه عن طموحاته مع الفريق خلال الفترة المقبلة و إستعدادًا للموسم الجديد.

و قال مصطفي فتحي في تصريحات لـ برنامج نهارك أبيض على قناة نادي الزمالك : انا ف الزمالك من7 أو 8 سنين ، أول مرة ألعب ف نادي تاني غير الزمالك في مصر كنت خرجت إعارة للتعاون السعودي فكان الأمر مختلف.

و تابع : لما لعبت في سموحة جماهير الزمالك كانت دايما بتساندني ، و في اي وقت سواء مصاب او بلعب.

اقرأ ايضاً | اليوم.. الاجتماع الفني لمباراة الزمالك وتوسكر الكيني،، و مؤتمر صحفي لكارتيرون

و أضاف: شيكا وبن شرقي وحازم إمام وساسي دايما كانوا بيكلموني شد حيلك علشان ترجع تاني الزمالك ، و بعد ما أحرزت هدف في الزمالك في مباراة سموحة كنت زعلان لكن ده شغلي ، وكنت بين إن أنا زعلان و إن الهدف يأثر على الفريق ، و بين إن ده شغلي.

و واصل : انا بلعب تحت راس الحربه سواء يمين أو شمال ولعبت رقم 10 في سموحة ولعبت احيانا مهاجم ، و كارتيرون سألني الافضل هتلعب فين، قولتله في اي مكان تحت راس الحربة مش هيفرق معي .

و أتم تصريحاته قائلاً : في ناس بتقول على اي اصابة ان اصابة مزمنة في ركبتي حتى لو مصاب بصداع ، انا عملت عملية والموضوع انتهى والتأهيل ف اكاديمية سباير في قطر افادني كثيرا ، و طموحي دايما الانضمام للمنتخب و فوز الزمالك بالدوري و الكأس و أفريقيا و بنوعد الجماهير بالبطولات ، و أقرب لاعب ليا في الفريق هو سيف فاروق جعفر.

شوبير يفجر مفاجأه كبرى في قائمة الخطيب لـ إنتخابات الأهلي – صورة