علق أحمد الطيب، المعلق الكروي على الأزمة التي أثيرت بين أحمد حسام ميدو لاعب الزمالك السابق وأحمد حسن كوكا لاعب فريق كونيا سبور التركي عبر “تويتر”.
وشهد موقع “تويتر: أمس الجمعة، مشادة بين ميدو وكوكا، ووصل الأمر إلى حد الإهانة، بعد أن وصف الأول الأخير بأنه مهاجم متواضع. طالع اشتباك ميدو وكوكا بالصور من هنا
وكتب الطيب عبر حسابه الشخصي بموقع التواصل الاجتماعي “فيس بوك”: “انا زعلان من (ميدو) جداً – لإنه هو نفسه مش عارف قدره وعظمة التاريخ الجميل إللى صنعه ورصيد الحب إللى له ليس فى مصر فقط ولكن فى الوطن العربى – وأد إيه هو قدوة و رمز لكتير من اللاعبين فى مصر وخارجها”.
وأضاف: “علشان كده ما ينفعش ينتقد لاعب (كوكا) بهذا الشكل والأسلوب مهما كانت الأسباب”.
وواصل: “خسارة يا ميدو تخسر حب واقتناع ناس بتحبك وانت بالنسبة لهم قدوة و رمز جميل، ولو لك تحفّظ أو وجهة نظر يبقى ممكن تكلمه تليفونيّاً أو تتواصل معاه و تقوله إللى عايز تقوله”.
واستكمل: “انت قيمة كبيرة بنسعد بيها خسارة تخسر حب انت تعبت فى إنك توجده”.
واستمر: “(كوكا) أخ أصغر لك، و(نحت) فى الصخر ويحتاج لمن يشجعه ويشكره ويدفعه للأمام كمان وكمان”.
وأتم: “دلوقتى تقدر تكلمه و تقوله وجهة نظرك وكلنا قبل كوكا ها يزداد حبنا وتقديرنا ليك”.
