إشتباك بين ميدو و كوكا على تويتر ،، ميدو : أنت مهاجم متواضع ، و كوكا يرد : أنت حقود من زمان | صور
شن أحمد حسن كوكا مهاجم فريق كونيا سبور التركي هجوم عنيف على الإعلامي أحمد حسام ميدو و ذلك عبر حسابه الشخصي على تويتر .
و كتب ميدو عبر حسابه على تويتر أن كوكا مهاجم متواضع لا يصلح للمستوى الدولي حتى و لو أحرز ١٠٠٠ هدف .
ليقوم اللاعب بالرد عليه قائلاً : مهاجم متواضع ؟ اولا هو انت اصلا مين طلب رأيك؟ ثانيا انت مبطل كوره وانت عندك ٢٩ سنه و كل الناس عارفه ليه ، ثالثا لو رقم الاهداف الي انا جايبه شايفه قليل ماجبتوش انت ليه ؟ ، مع ان اللي بيلعب في نادي اكبر فرصه بتكون اكتر في التسجيل، رابعا حاولت تبقي مدرب و مبتكملش شهر في اي نادي.
و تابع كوكا : خامسا بتحاول تبقي اعلامي و تتكلم عن ده وده عشان تبقي تريند بأي شكل ، اي حاجه عايز تدخل فيها ، ده حتي صلاح في اول مشواره كنت بتتكلم عليه وحش ، الحقد عالي اوي عندك من زمان وانت بتتكلم وحش عني
و أختتم حديثه قائلاً : و انا عارف ان اكبر غلط اني ارد عليك وانت فاضي و عندك برنامج تتكلم فيه كل يوم بس انا برده مش هيهدني كلامك و هفضل في طريقي ، مركز في مستقبلي و مش عايز حاجه من الناس بعد مبطل كوره و بعد لما اموت غير السيره الحلوه.
و يقوم ميدو بالرد على كوكا قائلاً : عمري ما لعبت في دوريات الالاضيش اللي انت بتلعب فيها..يا اهبل مصر كلها بتقول انك لاعيب على ماتفرج مش انا بس وتاني انت عارف كويس انت كنت بتروح المنتخب ليه
و واصل : عمري ماروحت المنتخب علشان مناسب حد مهم..انت عارف كويس انت كنت بتروح المنتخب لسه..رد في الملعب حاول تروح المنتخب..انت لاعيب تعبان وكل مؤهلاتك نسبك وانت عارف كويس .
