أكد أحمد حسام ميدو نجم نادي الزمالك السابق، أن محمد صلاح قائد المنتخب الوطني لم يكن موفق في تصريحاته خلال المؤتمر الصحفي قبل مواجهة منتخب مصر وكوت ديفوار.
وانتقد محمد صلاح قائد المنتخب المصري ونجم ليفربول الإنجليزي، ارتفاع حدة التعصب بين جماهير الكرة المصرية في الفترة الأخيرة، مشيرًا إلي أن شعبية المنتخب تراجعت بين الجماهير في الفترة الأخيرة.
وقال” ميدو” :” صلاح كان لازم يبقى عنده ذكاء اكتر من الصحفي اللى سالة في المؤتمر الصحفي وميفتحش الموضوع ده قبل الماتش بيوم خاصة وان ده مؤتمر للحديث عن مباراة كوت ديفوار بس”.
وأشار :” كنت اتمنى ان يكون رد صلاح أن موضوع هجوم الجماهير على اللاعبين، كلام موجود في اي حته في العالم واننا مستعدون نرد على اى انتقادات في المعلب، لان ده الكلام الصح”.
وأضاف “ميدو” خلال تقديمه حلقة جديدة من برنامج “الريمونتادا” على قناة “المحور” :” بالكلام ده صلاح وصل رسالة غير مباشرة أن اللاعبين متأثرة بما يقال على السوشيال ميديا والاستديوهات التحليلية”.
محمد صلاح يصدم الجماهير المصرية بتصريح ناري قبل مواجهة كوت ديفوار
وتابع :” المفروض إن صلاح يغطى على الكلام ده حتى لو صح، والمفروض ميفتحش الموضوع ده ليلة المنتخب، وكلام صلاح ده مش مصر بس بيسمعة كمان معسكر كوت ديفوار، وده بيأكد أن معسكر المنتخب متأثر بالضجة اللى حوليه”.
وفي رسالة قوية قال “ميدو” :” حد هيقولى انت جاى تنتقد محمد صلاح بسبب كلامه، اقوله آه انتقد لان الصح صح والغلط غلط، والرد على الانتقادات يكون في العلب بس، وكابتن الفريق المفروض يكون عارف كويس قوى اية ردود الأفعال على الكلام اللى هيقوله”.
واختتم “ميدو” :” معندش أزمة مع كلام صح وعارف إنه صح وان فيه ناس مش مدركة قيمة المنتخب، لكن الحديث عن هذا الأمر لا يصح أن يكون في ليلة مباراة كبيرة قدام كوت ديفوار”
