كشف جمال عبد الحميد عضو مجلس إدارة نادي الزمالك عن مفاجأة بشأن التجديد لـ ثلاثي الفريق بن شرقي و طارق حامد و أبو جبل.
و قال جمال عبد الحميد عبر برنامج اللعيب على قناة MBC مصر : دايماً بسأل سؤال ، ليه لاعيبة الزمالك دايمًا هي اللي بتجيلها عروض بعد ما تتألق.
و تابع : العروض بتبقى عالية جداً و بـ أرقام كبيرة جداً و في الأخر مفيش حاجة بتحصل و اللاعيب مش بيمشي ، طب ما الأهلي بياخد دوري و أفريقيا ليه اللاعيبة مش بيجلها عروض.
و أضاف : هل الوكلاء و السماسرة بيتعمدوا إنهم يفضوا نادي الزمالك من النجوم و يشتتوا اللاعيبة ، بصراحة الموضوع غريب جداً و بقالنا سنين على كده.
و واصل : اللاعيب اللي مش عايز يكمل في الزمالك هانقوله مع السلامة حتى لو راح لنادي منافس و هانعملوا حفل تكريم ، و اللاعب اللي هايستمر هايبقى بشروطنا.
و أكمل تصريحاته قائلاً : اللجان اللي كانت موجودة قبل كده ، ماكنش فيه فلوس يجددوا بيها للاعيبة ، و لو كان مرتضى منصور موجود كانوا جددوا قبل شهر يناير .
