رد ناري من مرتضى منصور على هجوم جماهير الزمالك بسبب إذاعة تسجيل كارتيرون – فيديو
رد المستشار مرتضى منصور رئيس نادي الزمالك على انتقادات بعض جماهير الزمالك بعد إذاعته لتسجيل صوتي خاص للفرنسي باتريس كارتيرون المدير الفني السابق لنادي الزمالك.
وكان مرتضى منصور قد أذاع عبر قناة “الحدث اليوم” أمس الأحد تسجيل صوتي لـ كارتيرون وهو يتحدث مع وكيله حازم فتوح بشأن بعض العروض التدريبية المقدمة له من الأندية السعودية
وقال “مرتضى” :” بقول لبعض ممن يدعون الانتماء لنادي الزمالك انتم قبيضة ومرتشين وعملاء، وانا قولت قبل كده إن حسين لبيب راح قال لحد مسؤول في الدولة وقالهم كارتيرن قال لو مرتضي منصور رجع تاني انا همشي من النادي”.
وأوضح “مرتضى” :”ساعتها قلت للمسؤول ده مصلحة الزمالك أهم من أي شي واول ما رجعت تاني قولت انا في ظهر كارتيرون ومساند ليه وداعم قوي ليه”.
وأضاف “مرتضى” في تصريحات لقناة “الحدث اليوم” :” فيه ناس طلعت هاجمتني وقالتي ليه سايب كارتيرون، والعيال دى بتدخل على ” كلوب هاوس” تشتم فيا وهما مش في دماغي ومش فارقين معايا”.
وتابع :”انا دايما باخد القرار المناسب في الوقت المناسب، لانى دايما بقول “لا يلدغ المؤمن من جحر مرتين” ولازم اتعلم من أخطائي”.
وواصل “مرتضى” :” كلنا عارفين مين اللى جاب كارتيرون تاني للزمالك، وكارتيرون كان “ثعلب” أو “ديك” وكان محتاج “أسد” علشان يلتهمه في عملية التفاوض”.
وأكمل :” قانون العقوبات ينص على أنه يمنع التسجيل لأي فرد أو إذاعته، وما تم إذاعته لـ كارتيرون مكنش تسجيل شخصي بيني وبينه، لكن كان رسالة منه شخيصًا لوكيله حازم فتوح”.
وأكد “مرتضى” :” لولا إذاعة “الفويس” الخاص بكارتيرون الزمالك كان هيدفع 70 مليون لـ كارتيرون والكلام ده علشان الناس اللى طلعت هاجمتني وقالت ليه نطلع نذيع الفويس على الهواء”.
شاهد:
