نشر المستشار مرتضى منصور رئيس نادي الزمالك فيديو للاجتماع الأول لمجلس إدارة القلعة البيضاء الجديد، بعد اعتماد نتيجة الانتخابات من قبل اللجنة الاولمبية
وتطرق “مرتضى” للحديث عن ملف تجديد اللاعبين قائلا :” اللاعب اللى عقده انتهى ومش هيجي يوم الخميس من 12 لـ 2 الضهر يعتبر مش معانا خلاص، ومش هنجم حد من اللاعبين دي، وهنشوف المجموعة المستمرة معانا، وفيه اغنية لراغب علامة بيقول فيها اللى باعنا خسر دلعنا”.
وتابع :” بقول للى مش هيكمل انت بعتنا خلاص وخسرت الطبطبة بتاعتنا، واللي هيزود في الطلبات بتاعة مش هيكمل معانا لان زى ما انا تعاقدت مع اللاعبين دي بأسعار معينة، من حقي ساعة التجديد احدد القيمة بتاعه اللاعب تساوى كام”
وأكمل: ” نادي الزمالك خلى اللاعبين دول نجوم وخلاهم يشتروا عربيان وفيلات وبقول للاعبين اتقوا ربنا في النادي اللى صنع اسمكم واللى مش عارف قيمته بقولة شكرًا مع ألف سلامة”
وشدد :” المجلس كله هيكون موجود يوم الخميس وهنطلع نقول للجمهور إن فلان كان عنه جلسة تجديد ومحضرش وبنقوله مع السلامة ربنا يوفقك في اي نادي تاني، وبقول للاعبين حط دايما قدامك المليارات أو حب الناس اللى بيفضل دايم”
ويسعى مجلس إدارة نادي الزمالك حسم ملف عدد من اللاعبين الذي تنتهي عقودهم بنهاية الموسم الحالى وعلى رأسهم أشرف بن شرقي وطارق حامد ومحمد أبو جبل وحازم إمام
شاهد:
