وجه الاعلامي خالد الغندور رساله في غاية الأهمية للاعبي الزمالك ،وذلك قبل مواجهة فيوتشر وبيراميدز في الدوري .
وقال خالد الغندور في تصريحات ببرنامج زملكاوي عبر قناة الزمالك: عندنا ايقاف قيد ولمدة سنتين لم نتعاقد مع لاعبين ،بالعكس رحل عدد من اللاعبين عن الفريق .
واضاف: تم الموافقة على رحيل عدد من اللاعبين عن صفوف الزمالك رغم ايقاف القيد بسبب الازمة المالية” معلش بقى محمد صبحي هنعيره عشان في 5 مليون حلوين ، ومروان حمدي معلش بقا عاوز العب وأطلع اعاره ، و شيكابالا كان موقوف 8 ماتشات معلش بقا”.
وتابع الغندور: “معلش بقا طارق حامد عاوز يجهز نفسه علشان اتحاد جده وسافر يتأهل وملعبش معك إلا عدد قليل، ومعلش بقى ابوجبل الزمالك وقف في ضهره علشان المنتخب معلش انا تعاقدت مع النصر السعودي طب العب ماتش الاهلي لا مصاب”، بن شرقي وأوناجم معلش عاوز امشي .
واوضح: غير الاصابات التي يعاني منها عدد من اللاعبين وابرزهم يوسف اسامه نبيه وعمر السعيد وسيف فاروق جعفر، فيريرا يعمل ايه وسط كل اللي بيحصل؟”
وشدد: ناخد كاس مصر ونتصدر الدوري ونعمل فريق الامل بقيادة اسامه نبيه ونلعب مباريات ودية، واستعان مستر فيريرا ببعض اللاعبين منهم .
وواصل: الزمالك اللي بيعمله ملحمة ، عاور اقول للاعبي الزمالك اوعوا تضيعوا حلمكم الدوري ده تاريخي ومتصدرين الجدول رغم الصعوبات لكن انتم قدها وقدود .
واردف: أنتم رجاله عندكم أعظم مدرب وأحسن من المدير الفني لمنتخب مصر و سواريش يبقى تلميذ تلميذ تلميذ تلميد تلميذه .
وأكمل : فيريرا أكبر مدرب درب الزمالك في تاريخه ، ومن أحسن 20 مدرب في العالم ورغم كده مسيطر وبيحفظ وحسن مستوى لعيبه، والمثلوثي عالمي وياما انتقدناك واللعيبة بتدعمك الان واللاعب الكبير بيان في الوقت المهم .
وأتم : كلنا في ضهركم وأوعوا تقلقوا ممكن نتعادل ماتش ، ولا تقلقوا ادوا أداء بيخلي جمهور الزمالك مطمن ولدينا مباراتين في غاية الصعوبة امام فيوتشر وبيراميدز وأتعبوا شهر وواحد بس واحصلوا على الدوري .
