شن المستشار مرتضى منصور رئيس مجلس إداره نادي الزمالك ، هجوم لاذع على رئيس مجلس إداره النادي الأهلي محمود الخطيب بسبب الحديث عن مسانده الدوله للزمالك .
وقال مرتضى : “لما بتتكلم يا أستاذ الخطيب، بنعذرك ونقول عاوز يعمل أسد قدام جمهوره، لكن تعمل اللي بيقوله علاء صادق لا دي مؤامره على الدوله، انت اتحليت؟ لا،طيب اتجمدت؟ لا طيب اتسجنت لا؟، انت اللي قاعد على الحجر أتحداك ميكونش عندك مخالفات “.
وواصل: ” من فضلك يا وزير الرياضه أرسل مخالفات الخطيب للنيابه وعندي صورة منها ، أصل الأفندي بيقول الدوله بتتساندنا ، لو بتساندني هتسقطني؟ الدوله واقفه مع مرتضى هتشيله؟ “.
وأردف :”إحنا متحملين اعلام فاسد، وأنا قعدت في البيت سنه ورفضت اوقف النشاط في بلدي “.
وأتم : قضية تركي أل الشيخ اتحفظت، الدوله بتساندك انت ، الدوله شافت أن الأخ خطيب عنده جمهور هيستقوى به ، علشان كده الدوله وقفت وقالت الدوله فوق الجميع انا بفهمك وبوعيك الاهلي مش فوق الجميع مصر فوق الجميع ، انت عاوز تولع في البلد يامحمود ؟” .
