رد المستشار مرتضى منصور رئيس مجلس إداره نادي الزمالك ، على الأكاذيب التي تثيرها قناه الأهلي تجاه نادي الزمالك .
وقال مرتضى : “انا هارد عليك يا أسامه يا حسني بالمستندات، لأنك بتحاول تضلل الناس في قناة المفروض انها محترمه، الزمالك دفع حوالي 118 مليون جنيه للضرائب بطل كدب واتكلم بأدب عن الزمالك “.
وواصل :” الزمالك سدد للتأمينات في 4 سنين 50 مليون و991 الف جنيه، وسدد لهيئة الأوقاف 12مليون من أصل 18مليون هنسدد الباقي كل ده و الدوله سيبانا ؟”.
وأكمل ” النادي النهري بندفع اشتراك سنوي لوزارة الري 7 مليون جنيه،و دفعنا للقناة 60 مليون في سنه واحده وده حقهم إتعلم الأدب يا ولد “.
وأردف:” اللي بيقول جبنا الفلوس منين،أرسلنا جواب لأشرف صبحي في 2020 أن إتحاد الكرة رفض يسلمنا مبلغ 275 الف دولار ، أي ما يوازي 7 مليون، إحنا اللي لنا فلوس ومع ذلك دفعنا 5 مليون لحد،ما يجي مراقب للحسابات يراجع “.
وأكمل :” الخطيب يقولك معملتش حاجه لكن جوز بنتك بيشتم و عبدالحفيظ وايمن شوقي واسلام الشاطر اللي طلب مني يشتغل في القناة كلهم بيشتموا ، انت أخدت يامحمود يا خطيب أرض والدوله مدتنيش وأنا طلبت في 2015 ورفضوا كده الدوله بتدلعني انا ومتزملكه؟”.
وأتم :” بتقول الدوله ادتني فلوس هقولك بصراحه ادتني 5 مليون جنيه اللي عملتلها بيهم نادي عالمي ونادي نهري واخدوهم تاني، خلو عندكم دم بقى انا جبل ومتحمل وساكت “.
