كشف حارس منتخب مصر للشباب وحارس الزمالك المعار لنادي ڤيزيلا البرتغالي أحمد نادر السيد عن حقيقه الصور المفبركه المنتشره على مواقع التواصل الإجتماعي بشأن وجود محادثه بين قائد الزمالك شيكابالا وبين مهاجم منتخب الشباب صلاح باشا .
وأنتشرت في الساعات الماضيه محادثه مفبركة بين شيكابالا وصلاح باشا ، يظهر فيها شيكابالا يطلب من صلاح باشا الإحتفال على طريقه “البوكس ” الخاصه بزيزو و شيكابالا ، وكشف أحمد نادر السيد لـ ” كوره بلس ” حقيقه هذه المحادثه .
وقال أحمد نادر :” مبدأيا شيكابالا مبعتش اي رساله في الخاص لأي لاعب ، الكلام والفبركه اللي طلعت دي عيب و عيب ان اسم شيكابالا يدخل في الكلام ده ، شيكابالا اسم كبير ومحترم”.
وأضاف :”الحكايه كلها ان اتعمل فيديو تحفيزي كبير كان فيه شيكابالا وعبد الله السعيد و احمد سيد زيزو وشريف اكرامي ونادر السيد، وشيكابالا قال كلمتين كويسين جدا ومحترمين و مكنش داخل يتكلم كزمالك لكن عشان منتخب مصر”.
وواصل :”شيكابالا طلب مننا في اخر الفيديو ان نحتفل بالاحتفال الخاص بالبوكس واحنا كنا عاوزين نفرحه لان كلنا في المنتخب بنحبه اهلاويه وزملكاويه وكلنا بنحترمه “.
وعن موقفه من العوده للزمالك قال :”مفيش كلام رسمي حصل مع مسئولين الزمالك عشان ارجع ،انا اتمنى مسئولين الزمالك يتفهموا ان لو مكانتي كويسه في الفريق البرتغالي يسيبوني اكمل لان ده هيبقى تشريف لأسم الزمالك ولأسم مصر برا ، ولكن لو ملقتش مكانتي هناك والزمالك طلبني طبعا مقدرش أتاخر “.
