تحدث أسامة نبيه المدرب العام للفريق الأول لكرة القدم في نادي الزمالك عن اقتراب الفريق من تحقيق لقب بطولة الدوري العام الممتاز بعد الفوز على المقاصة
وقال “نبيه” :” خطوة من الخطوات المهمة في الأمتار الأخيرة ، مكسب مهم في توقيت مهم ، نتيجه كبيره تدل اننا ماشيين بشكل كويس ، تأكيد على نتيجة مباراة الجونة والنهارده خمسه”.
وأضاف “نبيه” في تصريحات لقناة “أون تايم سبورت” :”باقي على الحلو أربع خطوات، الناس بتأكد ان فاضل مباراتين ولكن احنا مصممين ان نمشي الـ 4 خطوات ونكسبهم كلهم”.
وتابع :”بنحمد ربنا ان العجله دايره والدنيا ماشيه كويسه، من شهر مارس واحنا متوقعين الغيابات الكتير اللي هنلاقيها في شهر6، من وقت تولي مستر فيريرا وهو بيجهز وعشان كده مش هنحس بالغيابات، التحضير من بدري و التجهيز هما سبب النجاح دلوقت”
وواصل :”كلامي مع يوسف اسامه بقى قليل، الكلام دلوقت بقا كلام في التاكتكس ومش بتكلم معاه كأب، هو زيه زي أي لاعب دلوقت خلاص، في شويه عاطفة وموجودة ولكن العيب و ترس من تروس الفرقه، هو شكله شكل أداء نادي الزمالك ولايق عليه”.
وأكمل “نبيه” :”قطعنا شوط انه قدر يحط نفسه في وسط المجموعة واللي إن شاء الله يكونوا سبب في التتويج بالدوري، المرحله الجايه هيبقى فيه اكتر من عنصر من قطاع الشباب ، مستر فيريرا عاوز يحسم بدري عشان نشوف عناصر جديدة، فاضل 4 مباريات هنعتبرهم مباريات كؤوس”.
وأختتم” نبيه” :”الإسماعيلي ملهاش علاقة بنغمه الانتصارات، مباراة الكأس عبارة عن خروج مغلوب ، ولازم نأكد فيها اننا ماشيين بشكل كويس ، احنا فصلنا الدوري عن الكأس وان شاء الله نكمل سلسله الانتصارات”.
