أمير مرتضى يكشف عن الصفقه الأهم للزمالك هذا الموسم .. وموقف الصفقات الجديده من لعب تمهيدي افريقيا
كشف أمير مرتضى منصور المشرف العام على الكره بنادي الزمالك عن الصفقه الأهم للزمالك هذا الموسم ، كما كشف عن موقف الصفقات الجديده من لعب الدور التمهيدي لدوري أبطال إفريقيا.
وتعادل الزمالك سلبياً مع المصري البورسعيدي ،وذلك في إطار الجوله قبل الأخيره من عمر مسابقه الدوري.
وقال أمير :”اللي بيحصل دلوقت ده شغل ٧ او ٨ شهور فاتوا ، اللعيبه والاداره كان عندهم رغبه في تصحيح المسار ، احنا جينا في اخر شهر ١١ وبعدين مستر فيريرا جه في شهر ٣ ”
وواصل :”اللعيبه كان عندها رغبه في مصالحه الجمهور ، احنا جينا من بعيد اوي و مكناش مرشحين لاي حاجه ، والفرق الكبيره مبترميش الفوطه بسرعه وقولت اننا بنحترم كل الفرق “.
وأضاف :”فيريرا اسم كبير في التدريب والراجل عنده خبرات كتير جدا وبيعرف يتعامل مع اللعيبه الكبار والصغيرين و بيخلق دوافع وكان هو الصفقه الأهم للزمالك هذا الموسم” .
وأكمل :”فيريرا كان ذكي وادى ١٠٠٪ من مجهوده وطاقته للفريق وده أدى للشغل الموجود من انضباط في الملعب و متأثرناش باللعيبه اللي رحلت “.
وإتسطرد :”القيد هيفتح بنهايه الموسم وهيفضل ممتد لاكتر من ٤٠ يوم ، كنا مأجلين الكلام فالصفقات لان عندنا هدف اكبر وهو الحفاظ على تركيز اللعيبه عشان التتويج بالدوري ، في صفقات خلصت وفي صفقات هنبتدي شغل فيها ، احنا كنا مأجلين الكلام معاهم احتراماً للانديه بتاعتهم وحفاظاً على العلاقات معاهم “.
وأتم :”كده كده الصفقات الجديده مش هتلعب في دور ال٦٤ في افريقيا فعندنا وقت كبير للتعاقدات ، الاتنين الأجانب الي المستشار اعلن عنهم هما الصفقات اللي خلصوا لما يعملوا الكشف الطبي و يخلصوا الاجراءات وهينزلوا التدريب مع اللعيبه”.
