أكد المستشار مرتضى منصور رئيس مجلس إداره نادي الزمالك على أن مده صلاحيه المبادره التي طرحها للصلح مع الخطيب قد انتهت ، مؤكداً انه أنتظر ٣ بيانات من الخطيب ومجلسه للرد على المبادره .
وقال مرتضى : ” المبادره أنتهت يا كابتن الخطيب ، مش همد ايدي ليك تاني ، في السابق عملنا مبادره نبذ التعصب و دلوقت بمد ايدي ليك وانت بترفض “.
وأضاف : ” توقعت يطلع ٣ بيانات من الخطيب ، أول بيان يقول نحن نرفض ما يروجه الكاذب علاء صادق ، لكن انتم بتقولوا اللي هو بيقوله ، والولد اللي هربان في الكويت ويقصد ابو جمولي وقاعد يعيط ، انا هجيبك عشان تحترم نفسك وتتكلم عن الزمالك بإحترام “.
وأكمل :” البيان التاني اللي كنت متوقعه ، أهلاً بمبادره مرتضى منصور وأنت عارف اني لا شتمت أمك ولا أختك ومحاميك بيلوي الحقائق ، وقومت بحبسه ، بقولك أتعلم من المرحوم طارق سليم الذي حضر عزاء حماده إمام على كرسي متحرك ” .
وأتم : ” أنت لما نجحت أول واحد هنأك كان مرتضى منصور ،لكن لما أنا نجحت قولت أنا بيبو الأسطوره وأستكبرت ، خلصت المبادره وأي حاجه هتحصل هقدم بلاغ وهتبقى أنت المحرض “.