كشف الإعلامي سيف زاهر عن أسباب تفوق الزمالك هذا الموسم على كل منافسيه وإقترابه من حسم الدوري الثاني على التوالي رغم الظروف الصعبه التي يمر بها الفريق .
وفاز الزمالك على فاركو بهدف نظيف منذ قليل ، وذلك في إطار الجوله الواحده والثلاثون من عمر مسابقه الدوري ، ليرفع الفارس الأبيض رصيده من النقاط الى النقطه 75 ليقترب أكثر من حسم اللقب .
وقال زاهر : “اللي الزمالك عامله ده معجزه بكل المقاييس ، واحد هيقولي يا كابتن ده الزمالك طبيعي ياخد دوري بقوله بس مش بالظروف دي وده مش كلامي ده كلام المستشار مرتضى منصور” .
وأضاف :”الزمالك كسر القاعده ، بالروح والعزيمه وبمرتضى وأمير مرتضى وفيريرا ، كل واحد في الفريق باصص في ورقته ومركز في ورقته ، حتى الخناقات هناك اللي بيقولوا هتولع والدنيا هتبوظ بتتحل بسهوله “.
وواصل :”زمان كان في الزمالك اللعيبه بتحتفل والاحتياطي مش مبسوط وبيدخل اوضه اللبس ، واللي يجيب الجول يحتفل و الباقي يديله ضهره ، دلوقت كله بيحتفل الاحتياطي والاساسي والعامل واللي معدي ، الرجاله دي على قلب راجل واحد “.
وأردف :”اكتر واحد بيحتفل محمود علاء اللي مشفش الملعب بقاله كتير ، لكن هو ده اللي نجح فيه فيريرا ومرتضى منصور والمكافأت الي بتتوزع بالعدل ، واللعيبه اللي بتمشي وبتتكرم وعادي والدنيا بتمشي “.
وأتم :”شيكابالا اللي بينزل على فترات و محمود علاء البديل و حازم امام اللي مبينزلش ، بصوا اللعيبه بتحتفل والروح بينهم عامله ازاي” .
