بالأرقام ..خالد طلعت : الاهلي اكثر من تضرر بتطبيق الVAR وحقق بطوله يتيمه مقابل ٤ بطولات للزمالك منذ تطبيقه-فيديو

اكد الناقد الرياضي خالد طلعت انه منذ تطبيق تقنية الڤار في مصر اصبح الزمالك الأكثر حصولاً على البطولات والاهلي الاقل

وقال خالد طلعت في تصريحات ببرنامج اللعيب عبر قناة ام بي سي مصر:” النهارده انا مخصص معظم الاحصائيات عن التحكيم خصوصا الموسم الحالي والموسمين الي فاتوا ، خصوصاً بعد ما مسئولين الاهلي قالوا ان الزمالك خد الدوري بسبب التحكيم”.

واضاف:”الفار اتطبق في ٢٠١٩ ومسئولين الاهلي قالوا اخيرا هيتحقق العداله ولما اتحقق قالوا العكس رغم ان فعلا الفار بيقلل الاخطاء”.

واوضح طلعت:” موسم ٢٠١٩ : قبل الفار الاهلي لعب ١٦ مباراه كسب ٤٨ نقطه بنسبه ١٠٠٪ ، بينما الزمالك لعب ١٦ اخد ٣١ بنسبه ٦٤٪

وشدد:”بعد الفار الاهلي لعب ١٨ اخد ٤١ بنسبه ٧٦٪ في حين الزمالك لعب ١٨ اخد ٤٠ نقطه بنسبه ٧٤٪”..

وواصل:”الاهلي بعد ما كان بياخد ١٠٠٪ قبل الفار بعد الفار النسبه قلت والعكس حصل للزمالك وفنفس الموسم اتلعب من غير ڤار سوبر الاهلي كسبه وبعد الفار اتلعب سوبر الزمالك كسبه”

واختتم:”بعد تطبيق الفار اتلعب ٧ بطولات الزمالك حصل على ٤ بطولات والأهلي بطوله و فويتشر بطوله و طلائع الجيش بطوله ودوري الموسم الحالي في وجود الڤار الزمالك الأقرب ليها ، يعني في ٧ بطولات بوجود الڤار الزمالك هو الأكبر إستحواذاً على البطولات وده معناه ان في تحقيق العداله الزمالك بياخد بطولات اكتر”.