كشف سيف الوزيري رئيس مجلس إداره شركه بريزنتيشن و شركه ستادات عن حقيقه العروض الضخمه المقدمه لرعايه الأهلي .
وكانت إنتشرت في الساعات القليله الماضيه بعض التسريبات عن وجود إتفاق بين الأهلي وشركه الخطوط الجويه القطريه لرعايه الفريق بعقد خرافي ليحسم الوزيري الجدل بشأن هذا العرض .
وقال الوزيري:”بالنسبه للارقام اللي بتتقال النادي الاهلي عنده القابليه انه فعلا يتم رعايته بالارقام اللي اتقالت حتى رغم الظروف الاقتصاديه اللي بتمر بيها الدوله والعالم عموماً “.
وأضاف :”احنا عملنا دراسات الفتره اللي فاتت وفعلا الاهلي عنده القابليه يعدي كمان الارقام دي بالرعايه والبث والمشاريع الاخرى “.
وأكمل :”احنا مش بنتكلم عن رعايه قميص الاهلي فقط ولكن مشاريع اخرى و تطبيق للنادي و مش هتكلم اكتر من كده لان ده حق أصيل للاهلي انه يعلن عنه ولكن الارقام اللي هيوصلها الاهلي بالمشاريع دي هتبقى ضخمه ” .
وواصل :”في بعض العلامات التجاريه العالميه اللي ظهرت الفتره اللي فاتت ، بالاضافه للاسماء الي اتفاوضنا معاهم منذ ١٠ شهور ، ولكن حتى الان مفيش اي حاجه رسميه ومفيش اي تعاقد رسمي تم حتى الان “.
وأتم :”حدث تواصل من شركه الاهلي مع احد شركات الخطوط الجويه ولسه حتى هذه اللحظه لم يتم التوصل لاي اتفاق حتى الان ، ولكن قبل بدايه الموسم الجديد هيعلن الأهلي عن رعاته الجدد”.
