“حسبي الله ونعم الوكيل فيكم”.. مجدي عبد الغني يفتح النار على اللجان الإلكترونية وإدارة الأهلي

فتح الإعلامي مجدي عبد الغني النار على اللجان التي تقوم بمهاجمته بسبب اراءه الأخيره تجاه الأهلي ومجلس إدارته .

وقال عبد الغني ” الناس في البرتغال لحد النهارده فاكرين مين مجدي عبد الغني مش ناسيين التاريخ دا فضل من عند ربنا دي الميزه اللي ربنا بيدهلنا علشان نصبر على السفهاء و قليلي الادب واصحاب الكتايب اللي ربنا مش هيسبهم”.

وأضاف :”حسبي الله ونعم الوكيل فيكم وفي اللي بيقبضكم، مبقاش فارق معايا ولا بقيت اهتم باللي بتكتبوه ،هفضل أقول اللي في قلبي لحد ما أموت وخلاص أحنا كبرنا مش هنعيش أكثر ما عيشنا”.

وأردف :” مين هيحاسب الناس اللي بتدفع فلوس في لاعبين أجانب معندهاش فكرة ولا بتعرف تلعب وتاخد آلاف الدولارات ، ليه يعني؟ ، أزاي الناس دي متسابين كدا وهما اللي هيبوظوا الكرة المصرية أكثر ، اللي جاب لاعبين أجانب معندهاش فكرة لازم يتحاسب أنت مش بتدفع من جيبك”.

وأتم :”لازم لما نجيب لاعب أجنبي يكون بيلعب في منتخب بلده مش نجيبه هنا وبعدين يروح منتخب بلده، مينفعش لاعب بيبطل كورة ياخد 13 و 14 مليون جنية ،أمال اللي لسه طالع هتديله كام بعد ما يجيب له كام هدف؟”.