وجه لاعب نادي الزمالك أحمد السيد زيزو رسائل خاصه لجماهير نادي الزمالك ومجلس إدارته والجهاز الفني بقيادة البرتغالي فيريرا.
وتوج الزمالك رسمياً بلقب الدوري للموسم الثاني على التوالي بعد تعثر منافسه المباشر بيراميدز بالخساره امام فيوتشر بهدف نظيف أمس الاول .
وقال زيزو عبر حسابه الشخصي على موقع التواصل الاجتماعي إنستجرام : “الف مبروك لجمهور الزمالك العظيم ربنا وحده يعلم انا بحبكووقد ايه واحساسي انكو في ضهري دايما دا اعظم احساس في الكون ، تستحقوا تفرحوا وتستحقوا تشوفوا اللعيبه الرجاله دي على منصه التتويج ، شكراً على كل شئ قدمتوه لينا على مدار السنه “.
وأضاف :”لعيبه نادي الزمالك العظيمه و الرجاله ، مش ناس كتيره عارفه كواليس السنه والظروف اللي مرينا بيها بس شكرا على كل حاجه عملتوها السنه دي ، مرينا بظروف مفيش جبال يتحملوها لكن عشان انتوا رجاله قدرنا نمر بكل دا ، لازم تكونوا فخورين لان اللي عملتوه دا اعجاز مش موجود فالدنيا غير عندكو ، شكرا لعيبه نادي الزمالك الرجاله “.
وأتم :”شكرا للجهاز الفني ومجلس اداره نادي الزمالك على المجهود الكبير اللي عملتوه معانا ، قدرنا نعدي كل حاجه بيكو ، شكرا”.
