![سواريش يتحدث عن فوز فريقه اليوم .. ويكشف سر عدم مشاركه الناشئين أمام المصري 1 سواريش يتحدث عن فوز فريقه اليوم .. ويكشف سر عدم مشاركه الناشئين أمام المصري](https://zamalek.news/wp-content/uploads/2022/08/images-386.jpeg)
تحدث البرتغالي ريكاردو سواريش المدير الفني لفريق الكره الأول بالنادي الأهلي عن مباراه المصري اليوم و عن عدم دفعه باللاعبين الشباب .
وفاز الأهلي منذ قليل على المصري البورسعيدي بهدفين مقابل لاشئ ، وذلك في المباراه التي أُقيمت بين الفريقين على ستاد برج العرب بالإسكندرية.
وقال سواريش :”لعبنا مباراه من ٣ ايام بالظبط ، وزي ما قولت لازم يبقى فيه طريقه نخلي الاعبين الصغيرين يشاركوا فيها ، لقينا طريقه ولعبنا ماتش بيهم وكسبنا ٣ صفر ، المهم الثقه اللي خدها اللاعبين الصغيرين متقعش ، بس هما اكيد البدني بتاعهم مش هيبقى ١٠٠٪ يلعبوا مباراه زي دي ، عشان كده ريحناهم النهارده ولعبنا بلاعبيه تاني “.
وأضاف :”الخصم بتاعنا بيجهز للمباراه دي بقاله ٧ ايام ، ولو مريحناهمش النهارده مكنوش هيعملوا ماتش كويس زي ماتش الاتحاد “.
وواصل :”الفريق ادى مباراه جيده والاعبين كانوا متحدين ، قدروا يطبقوا الخطه وفوزنا على فريق كبير ومنظم ، الفريق فيه مهارات فرديه وجماعيه ، وانا بحيي اللاعبين بتوعي انهم أدوا مباراه جيده “.
وأردف :” في لحظات مكناش موفقين فيها والخصم كان احسن مننا ، لكن استنينا اللحظات المناسبه للهجوم ونجحنا في التسجيل وفوزنا”
وعن طريقه اللعب قال :”انا ببص للاعب وبشوف الخصائص بتاعته ايه ، وانا بشوف افضل اسلوب يناسب خصائص اللعيب ده ، انا بعتبر ده الاسلوب الي يخدم الاهلي في الوقت الحالي “.
وأتم :”لكن في المستقبل هنلعب بأسلوبين ٣-٤-٣ اللي بنلعب بيه دلوقت و ٤-٣-٣ الي بحاول ازرعه في اللاعبيه ، انا كنت بلعب كده في چيل فيسنتي ،لو عندي الخصائص اللي تخليني العب ٤-٣-٣ طبعا هلعب بيها ولو عندي الخصائص اللي تخليني العب ٣-٤-٣ هلعب برضو”.