![سواريش يتحدث عن مستقبل الأهلي بعد خساره الدوري.. ويوجه الشكر للناشئين 1 سواريش يتحدث عن مستقبل الأهلي بعد خساره الدوري.. ويوجه الشكر للناشئين](https://zamalek.news/wp-content/uploads/2022/08/ريكاردو-سواريش-2-674x470-1.jpg)
تحدث البرتغالي ريكاردو سواريش المدير الفني لفريق الكره الأول بالنادي الأهلي عن مباراه الأسماعيلي و عن مستقبل الفريق الموسم المقبل .
وتعادل الأهلي مع الإسماعيلي في المباراه المؤجله من الجوله الثامنه عشر من الدوري ، والتي أُقيمت بين الفريقين على ستاد برج العرب ، ليخسر الأهلي رسمياً لقب الدوري للموسم الثاني على التوالي.
وقال سواريش : “بالنسبه للمباراه ، الشوط الاول مكنش كويس بالنسبالنا والخصم كان افضل مننا ، حتى واحنا معانا الكوره مكناش هجوميا اقوى حاجه ، الشده بتاعتنا مكنتش على المستوى المطلوب والخصم عنده لاعبين جيدين “.
وواصل :”الشئ الكويس في الشوط الأول اننا كنا منظمين دفاعيا واننا خرجنا بنتيجه صفر صفر ، اتكلمت مع اللاعبين بين الشوطين عشان نصلح بعض الامور و قدرنا ندخل الشوط التاني بحده اكتر منهم و الخصم معملش علينا اي خطوره الشوط التاني الا بكوره واحده كانت اوفسايد واحنا ضاعوا مننا كورتين كانوا كويسين ، ولكننا مأثرناش التأثير الكافي عشان نسجل هدف “.
وأكمل :”عاوز اشكر اللاعبين على عملهم وعلى جهدهم وفخور باللاعبين الصغيرين و اللاعبين الفريق الاول مهمين لينا جدا لانهم بيدوا روح للاعبين الصغار في الملعب ، احنا بنخلق الظروف دلوقت انهم يكونوا في المستقبل افضل بكتير “.
وأردف :”عارفين ان صعب نحط لاعبين صغيرين مع بعض مره واحده ولازم نعمل العمليه دي بحساسية شديده جدا ونهيأ الظروف ليهم عشان يلعبوا مباريات كويسه وشايف انهم يستحقوا إحترامي وتقديري” .
وإستطرد :”انا دلوقت عرفت كل اللاعبين وقدرت اعرف الكفاءه الفنيه لكل واحد وبرضو عرفت كل واحد شخصيته ايه وايه عيوب كل لاعب ، وطبعا هعطي التقرير بتاعي للاداره وطبعا المعلومات دي حساسه جدا وهتبقى بيني وبين الرئيس ، الرئيس عارف وجهه نظري والأخطاء اللي بنقع فيها وازاي نصلحها عشان نكون الموسم القادم فريق قوي بيفوز على طول “.
وأضاف :”احنا قطعنا بالفعل خطوات في الطريق ده وزي ما قولت في اخر مؤتمر حتى لو عليا شويه انتقادات معنديش مشكله ، انا مدرب ولازم ابقى جاهز للانتقادات دي ، انا بالنسبالي اهم حاجه مستقبل النادي الأهلي “.
وأتم :”الحاجه الوحيده الي بتزعلني ان مش بنفوز في مباريات بشكل كافي عشان نسعد الجماهير ولكني واثق ان ده افضل طريق للنادي الاهلي ، اللي انا أقدر اوعد بيه ان يبقى فيه احترافيه عاليه جدا وجديه عاليه جدا واحترافيه عاليه جداً والمستقبل هيكون قدامكوا والنتايج هي اللي هتحكم”.