أكد المدير الفني لفريق الكره الأول بنادي الزمالك چيسوالدو فيريرا على أهميه الفوز اليوم على فاركو وتقريب الفريق خطوه أخرى من التتويج بلقب الدوري .
وفاز الزمالك منذ قليل على فاركو بهدف نظيف أحرزه حسام عبد المجيد برأسيه في الدقيقه الثامنه من عمر المباراه ، ليرفع الزمالك رصيده للنقطه ال٧٥ في صداره جدول الترتيب .
وقال فيريرا : “النهاردة هتكلم على لاعيبتي بهنيهم كلهم شباب والاكبر سنا والاكثر خبرة فاضل لنا ماتش عشان نحسم الدوري .. لغاية دلوقتي اشتغلنا شغل قاسي وحققنا نتايج محدش كان يتوقعها وده عشان اللاعيبة كان عندها ارادة وكان في لاعيبة محدش بعرفها وبقت نجوم “.
ووجه رساله للجماهير قائلا :”الماتش اللي جاي قدام الاتحاد حابب اشوف الاستاد مليان بالجماهير لان لهم دور كبير جدا معانا ودائما كانوا مصدر قوة للفريق وطاقة للاعبين وفي انسجام كبير بين الجماهير واللاعبين “.
وأضاف :”انا شخصيا باؤمن ان المباراة القادمة عندنا قدرة اننا نحسم الدوري ولكن إذا لم يحدث لاي سبب هناك مباراتين متبقيتين نقدر نحسم فيهم”.
وواصل “المباراة كانت صعبة وفريق فاركو فعلا صعب عندهم طريقة لعب هي مناسبة لكرة القدم الحالية ولكن طريقة اللعب دي بتجبر اللاعيبة بتاعة فاركو على متطلبات زيادة”.
وأردف :”مفيش راحة بسبب الضغط في المباريات اللاعيبة انه حال تحقيق الفوز وحسم الدوري وده هيخلينا نريح بعض اللاعبين فيما تبقى من الموسم عشان الزمالك مش هيبقى عنده راحة كافية “.
وأتم “مليش علاقة بمستوى المنافسين الزمالك بيبص لنفسه فقط ولازم يبص على افضل لاعيبة في مصر وبعدين برة مصر والزمالك بالفعل يملك افضل لاعيبة في مصر فلماذا انظر لمن هم خارج الزمالك .. محتاجين مساعدة اتحاد الكرة في تنظيم المسابقات وظهور عدد شباب اكتر لأن ده لازم يكون خطة قومية مش فكرة نادي معين يعتمد على شبابه إذا ما كانوا يرغبون في التطور” .
