فتح البرتغالي چيسوالدو فيريرا المدير الفني لفريق الكره الأول بنادي الزمالك النار على إتحاد الكره بسبب تلاحم المباريات وعدم وجود أوقات راحه كافيه للاعبين.
وتعادل الزمالك منذ قليل سلبياً مع المصري البورسعيدي ، وذلك في إطار الجوله قبل الأخيره من عمر مسابقه الدوري الممتاز.
وقال فيريرا: “المباراه في نهايه الموسم وناس كتير مرهقه ، الفرقه النهارده فيها عناصر كتير معانا وعملنا مباراه متوازنه ، مكنش فيه فرص لاحراز الأهداف للفريقين “.
وواصل :”بالنسبالنا المباراه كانت مهمه عشان نشوف لعيبه جداد ويبقى فيه روح تنافسيه ، النتيجه طول ما مخسرناش تبقى نتيجه كويس ، احنا عاملين سلسله لا هزيمه ، مكنش فيه دافع للفريقين وبالنسبالنا الفرقه اللي لعبت النهارده كنا بنشوف منها جديه اللاعبين وبالفعل كان فيه جديه من الفريق ” .
وأضاف :”بهني اللاعبين مره تانيه وجماهيرنا اللي جت حتى بعد حسم الدوري ، دلوقت احنا في برنامج راحه واجازات للاعبين عشان اللعيبه تاخد راحه ، اتحاد الكره وهو بيعمل الجدول كان لازم يخلي في وقت لاراحه اللاعبين” .
وإستطرد :”يوم ٩ عندنا مباراه مهمه للدوله كلها مش الزمالك بس ، عندنا وقت تدريب قليل للتدريب و كذلك بعدها عندنا ماتشات افريقيا وبعدين معسكرات المنتخب ، مفيش وقت للراحه ،احنا عملنا جدول اجازات للاعبين عشان كله ياخد اوقات متساويه”.
وأتم :”المنتخب هيلعب مباريات وديه كمان وده ضغط اكبر على اللعيبه ، امتى الموقف ده هيتغير علشان مصلحه الكره المصريه ؟”.
