حرص الثنائي المستشار مرتضى منصور رئيس نادي الزمالك وأحمد حسام ميدو نجم الفريق السابق على حضور افتتاح “الكافية” الجديد الخاص بمحمود حمدي الونش مدافع الفريق الأول في القلعة البيضاء.
وشهد الافتتاح أول مواجهة بين مرتضى منصور وأحمد حسام ميدو بعد تتويج الفريق ببطولة الدوري الممتاز
وقال “مرتضى” :”ميدو أوقات يهاجمنا وأوقات يشيد بينا وده بيكون طبقًا لحالته النفسية عاملة إزاى”
وأشار :”مش عايز ميدو يكون معانا وقت النصر عايز الدعم وقت مايكون فيه أزمة أو مشكلة، وعلشان كده أنا زعلان من حازم إمام وأيمن يونس علشان مش بيتكلموا”.
وأضاف “مرتضى”في تصريحات لقناة “الزمالك” :”ميدو بقالة شهر بيساند ويدعم وبيفهم الناس وهو مثقف ولاعب سابق وبيدى كل واحد حقة”.
ومن جانبه رد “ميدو” قائلا :”أبارك للمستشار على الأداء الإداري الرائع والتغيير الجذري في الشهور الأخيرة ، لأن ده أول لقاء يجمعنى بيه بعد فوز الفريق بالدوري”
وتابع ميدو: “التغيير الجذري اللى حصل في الزمالك لأنه معجزة في الأول الزمالك كان يعاب عليه أن مشاكله في المكتب لكن دلوقتي الزمالك بقى نموذج وحاليا امير مع فيريرا قادر يبنى فريق محترم”.
وأضاف:” بقول للجمهور مفيش حاجة اسمها ازعل الإدارة أن الإدارة جايبة لاعبين فرى دى ميزة، الزمالك أصبح نادي متكامل الأركان في كل عناصر النجاح”.
