لو كسبنا الدوري هيبقى إنتصار للمبادئ.. تصريحات قويه من أمير مرتضى بعد الفوز على بيراميدز-فيديو

تحدث أمير مرتضى منصور المشرف العام عن الكره بنادي الزمالك بعد الفوز على نادي بيراميدز بثلاثيه مقابل لا شئ في الدوري الممتاز ، مشيداً بدور اللاعبين والأداره والجهاز الفني في ما وصل إليه الفريق هذا الموسم .

وقال أمير :”إحنا أخدنا مخاطره وكنا عاوزين نعمل نظام وعدل والكبير في الفرقه هو التيشرت بتاع الزمالك وبنساعد بعض ولما يكون في مجلس ادارة قوي بقينا كلنا نشتغل كمنظومة”.

وأضاف :” لسه الدوري لم ينتهي ، متبقي 6 مباريات والأهلي وبيراميدز مازالوا في المنافسه وان شاء الله تكمل، جمهور الزمالك لن ينسى هذا الموسم اللي كان فيه مصلحة النادي فوق أي لاعب و لوحققنا الدوري هتكون مكافأة من ربنا للجميع”.

وواصل:” جمهور الزمالك فهم الأمر ووقفوا في ضهر الإدارة وفهموا ان الإدارة لا تصدر لاعب للهجوم عليه بشكر اللاعبين هم نفسهم نفس اللعيبه اللي كانوا بيتهاجموا من الجمهور ولكن قدرنا نعدل الصورة دي “.

وأكمل:”الموسم ده مهم لأنه بيرسخ مبادئ كتير ودايما كان عندنا لعيبه كويسه و لكن بنفك بسرعه ، شايف الجيل ده وجود فيه شيكابالا واوباما الونش وعواد وعبد الشافي وكل اللاعبين ليه منخدش كل البطولات ؟”.

وأردف:” هنحارب على كل بطولة وبنوعد الجمهور لو اخدنا البطوله ده تكليل لمجهودنا كنادي كامل ، و جمهور الزمالك بيطلب منك العطاء والإخلاص ولابيحاسبك على بطوله الزمالك يستحق يكون في مكانه أفضل والقادم أفضل “.

وإسترسل :”نادراً في المباريات بحتفل بهدف لأن دماغي شغاله في أمور أخرى ، بمستقبل الفريق ، انا قمت صفقت لهدف شيكابالا فيه تكليل لدور شيكابالا وربنا بيكافئه و وصل لمرحله من النضج وبيساعد الفريق وهم فرحانين بوجوده ،انا مستمتع بالروح الموجوده في الفريق، ربنا ويبعد عننا الاصابات ونفضل لاخر مباراة نلعب بالحماس والروح الموجودين دلوقت “.

وأتم “قفلنا صفحة بيراميدز وهنركز في الجونة و كل المباريات صعبه وبنحترم كل الفرق لأن في فرق كثير بتنافس على البقاء بالدوري “.