رد المستشار مرتضى منصور على بيان النادي الأهلي والقرارات التي تم إتخاذها اليوم رداً على ما حدث في مباراه فاركو ، مؤكداً أن مجلس إداره الأهلي يضرب في كل الإتجاهات .
وقال مرتضى :” ياريت يقيلوا لجنة الحكام زي ما طلب الاهلي ، كابتن عصام عبدالفتاح شخصيه محترمه المشكله فين الحكام ولا اتحاد الكرة ولا لجنة المسابقات ؟ “.
وواصل :” بتخبط في كل الاتجاهات السبب ليه ؟ فيما يحدث بالأهلي وكل الأنديه هو الاستاذ محمود السيد ابراهيم الخطيب الذي صمم يلعب دوري كورونا”.
وأكمل :” النادي اللي له 48 سنه بيتفرم يبقى الزمالك مش الأهلي وإتحمل كتير زي كرة حسن شحاته وانت عاوز تعمل مشكله علشان تسلل بمللي ؟” .
وأكمل :” المشكله عندك يا استاذ محمود ان انت اصلا في السوبر ليه ؟ السوبر بين بطل الدوري والكأس والزمالك صاحب البطولتين ، بتنسحب ليه ؟ و عمل مانشيت التحكيم الفاجر ينفع نادي الاهلي يقول تحكيم فاجر علشان فيه مللي ؟ “.
واردف :” الصورة اللي تجمعني بمحمود عاشور كان هو ظلم الزمالك، احنا بنلعب حوكشه ؟ اكتر نادي اتظلم واتفرم الزمالك، التحكيم المصري اكتر نادي ظلمه الزمالك، انت قولت عاوز حكام اجانب جيب اجانب على حسابي انا “.
واستطرد :”احنا مش طرف معك انا فارق عنك من قبل ماتش فاركو ب 5 نقاط وانت بعيد عن الدوري لانك وحش السنه دي و بلاش تضلل جمهورك، كنت عاوز تدخل صدام معي قولت الله يسامحك داخل دلوقتي مع الدوله ليه ؟ انت قولت الإتحاد الأفريقي ظلمني ودلوقتي اتحاد الكره المصري ثم الوداد والمريخ السوداني “.
وأتم :” انت خسرت كل البطولات شوف المشكله فين البلد مش محتاجه انت بتشحن في الجماهير ليه ؟”.
