![مرتضى منصور يفاجئ إمام عاشور بشأن الغرامه الموقعه عليه.. ويوجه رسائل للاعبي الزمالك 1 مرتضى منصور يفاجئ إمام عاشور بشأن الغرامه الموقعه عليه.. ويوجه رسائل للاعبي الزمالك](https://zamalek.news/wp-content/uploads/2022/08/مرتضى-منصور.jpg)
قرر المستشار مرتضى منصور رئيس نادي الزمالك الغاء العقوبه الموقعه على إمام عاشور لاعب الفريق الاول لكره القدم بالنادي بسبب طريقة احتفاله في مباراة الجونة الاخيرة.
وقال مرتضى في تصريحات لقناة للزمالك:” امام عاشور بيحتفل بطريقه تخلع القلوب هو مش بيعتذر لي انا،بيعتذر للجميع، انا بتعامل كأخ أكبر ومش هقول أب علشان المعجبات”
وأضاف:”امام اعتذر للجمهور قبل ما يعتذر لينا وانا خايف عليك لانك ممكن تأذي نفسك وتأذي الجماهير ، انت وصل بيك انك عاوز تنط على السور وكان ممكن تأذي الجمهور ، انا وانا بتفرج قولت يا نهار اسود في ٣ او ٤ هيموتوا وهنروح نجيب امام من قسم البحر الاحمر”.
وتابع مرتضى:” إعتذار امام اتقبل وهنشيل الغرامه من عليه ، هو قالي والنبي ما تقول انك شيلتهم وانا بقوله هخلي ال٥٠ الف هيبقوا ٦٠ الف”.
واردف:”بالنسبه للمثلوثي وسيف الجزيري انا قولتلهم ان الاستمراريه بتعلي الأداء والثقه من المدير الفني والجمهور كذلك ، سيد نيمار مكنش كده ، حسام عبد المجيد مكنش كده”.
وواصل ساخرًا:”عمر السعيد معموله عمل على رجل قطه بعين واحده عشان كل اللي بيحصله ده” .
وشدد منصور”انك تجري على الجمهور قبل ما تحتفل ما زملائك ده كإنك بتقول للجمهور انا اهو انا مفيش زيي وده علم نفس”.
واشار:”عندنا ماتش المقاصه ومفيش ماتش سهل ، المقاصه كان هيكسب الأهلي عادي ، احنا عندنا فاركو كمان في اسكندريه والاتحاد في القاهره والمصري في اسكندريه وهنرجع لإيسترن ، انا عاوز في ماتش الاتحاد نحتفل بالدوري مع الجماهير في الملعب”.
واوضح:”في فار يعني ٩٠ فالميه من العداله موجوده وفي لعيبه رجاله ، انتوا السنه اللي فاتت خدتوا دوري وكان ابوكوا غايب ، وكنتوا ٦ شهور مش بتاخدوا مستحقات وكسبتوا الدوري لانكوا لعيبه رجاله”.
واختتم:”امام عاشور حد مباصلوش الماتش اللي فات راح سايب الملعب وقعد على الرصيف وسيد نيمار غلبان يعني مش قدك ، انا بقول لامير عفا الله عما سلف ونرجعله فلوسه وخلاص”.