كشف المستشار مرتضى منصور رئيس مجلس إداره نادي الزمالك عن دور هاني أبو ريده الفتره الماضيه وعن دوره الهام في أزمه تضارب موعدي كأس لوسيل وتمهيدي دوري الأبطال .
وكان الإتحاد الأفريقي قد أعلن عن موعد ذهاب دور ال64 من دوري أبطال إفريقيا والذي من المقرر أن يقام من أيام من 9لـ11 والذي يتعارض مع موعد كأس لوسيل يوم 9-9
وقال مرتضى:” بقول للزملكاويه المحترمين محدش يشتم ابو ريده المحترم ، هما احمد وامير راحوا مع ابوريده واتكلموا مع رئيس الاتحاد الافريقي ورئيس الاتحاد القطري عشان الولد اللي اسمه هاني اللي هدد يعتدي على اللعيبه ساعه كاس السوبر الافريقي واللعيبه نزلت بتشيرتات الريس السيسي ، لكن بيبو الاسطوره ادوله الاعلام والصور قام راح اداها لابوتريكه ” .
وواصل :”هاني ابو ريده بيكلم الاخوه بتوع تشاد دلوقت نلعب ماتش الذهاب يوم ١٦ وبعدها باسبوع نلعب العوده والاتنين في مصر وعلى حساب النادي ، لو ابو ريده فشل في الناحيه دي قال هحاول مع رئيس الاتحاد القطري ان الولاد ولادنا هيقعدوا يومين هناك و بعدين يطلعوا بطياره خاصه يلعبوا ماتش تشاد “.
وأتم :”اللي بيقولي بقا الاهلي هيلعب مكان الزمالك بقوله وحياه امك اديني اماره ، ايه الرخامه دي ؟ انت جايب الرخامه دي منين ، احنا بطل الدوري ده وبطل الكاس وبطل الدوري ده”.
