كشف عبد الحميد عادل وكيل النيچيري چون ايبوكا مهاجم نادي إنبي عن حقيقه مفاوضات الزمالك والأهلي لضم اللاعب .
وأصبح إيبوكا محط أنظار أنديه القمه في الدوري الممتاز وبعض الأنديه العربيه بعد المستوى المميز الذي ظهر عليه اللاعب خلال هذا الموسم رفقه الفريق البترولي.
وقال عبد الحميد :” چون ايبوكا مرتبط مع انبي بعقد مستمر واحنا الفتره الي فاتت عملنا جلسات مع ايمن الشريعي رئيس نادي انبي “.
وأضاف :”جون ايبوكا من يناير الجاي يحقله التوقيع لأي نادي ولكن جون مش هيعمل كده لانه عاوز يخرج من الباب الكبير ، الزمالك اتكلم مع انبي وانديه كتير اتكلمت مع انبي بخصوص اللاعب “.
وواصل :”اللي اعرفه ان القطبين اتكلموا مع انبي بخصوص جون ايبوكا وفي فريق في الدوري السعودي ولكني مش هينفع اقول اسمهم لااحترافيه وكذلك فرقه من الدوري الاماراتي “.
وأكمل :”أي لعيب هتكلمه في اهلي وزمالك وعروض كبيره اكيد هيبقى نفسه ياخد الخطوه دي ، كل تركيز جون ايبوكا حاليا انه ينهي الموسم مع انبي بشكل كويس وفي خلال ال١٠ ايام القادمه الرؤيه هتتضح بشكل اكبر “.
وأتم :”إحنا مش هنتحرك في اي خطوه الا لما انبي يقولنا احنا خلاص خلصنا مع نادي كذا ، في فوارق بين عقده في نادي انبي وبين العروض اللي وصلت ليه ، لان انبي بيبني اللعيب وبيطوره مش زي الاهلي والزمالك اللي عاوزين البطوله عشان كده العقود بتختلف “.
