تحدث أحمد مرتضى منصور رئيس بعثه الزمالك في قطر عن مواجهه الزمالك المرتقبه أمام الهلال في بطوله كأس لوسيل ، كما وجه الشكر للجانب القطري على حسن الإستقبال وتمنى لهم التوفيق في تنظيم كأس العالم .
وقال أحمد مرتضى :”كل اللاعبين مركزين والجهاز الفني مركز وشايف دوره ، حتى الجمهور هنا مركز وكان منور الشوارع ، بوجه التحيه للجمهور ولرابطه مشجعي الزمالك “.
وواصل :”الناس هنا موفرين لينا كل حاجه بصراحه ، وبنتمنى ليهم التوفيق في كأس العالم “.
وأكمل :”كل اللاعبين زي بعض مش فارقه محترفين ده لاعب وده لاعب وكل واحد يعمل اللي عليه وربنا يكرمنا “.
وأردف :”احنا قرينا الفاتحه بس وبنتوكل على الله والمستشار مرتضى ادى اللعيبه الجلسه التحفيزيه في القاهره وكله مركز علشان الفوز”.
وإستطرد :”احنا لسه مخلصين الدوري للاسف ، اعتقد ان الجيل الحالي والشباب على قد المسئوليه وان شاء الله يعملوا حاجه كويسه مع اللعيبه الخبره “.
وأتم :”الناس هنا عاملين مجهود كبير وربنا يوفقهم في تنظيم كاس العالم ، وفي الاول والاخر دي دوله عربيه بتستضيف البطوله والعلاقات رجعت بين الدولتين والناس استقبلونا احسن استقبال”.
