علق خالد رفعت قائد طائره الزمالك الى قطر على هجوم جماهير الأهلي عليه بسبب رفعه لعلم الزمالك من نافذه الطائره فور وصول الطائره لمطار حمد الدولي .
وقال رفعت :” نادي الزمالك نادي كبير بيلعب باسم مصر برا احنا ناس محترفين في الطيران ومسأله السلامه بالنسبه لفتح شباك الطياره مكنش فيه اي مشاكل والطياره كانت وقفت “.
وأكمل :”كان في وفود اعلاميه كبيره في استقبال الزمالك ، كنت بودع البعثه وحتى هتلاقي رقبتي كانت ناحيه بعثه الزمالك ، نادي الزمالك بيمثل مصر برا ، انا راجل وطني واي نادي برا بيمثل مصر لازم ارفع علمه “.
وأضاف :”انا من ضمن الطيارين الزملكاويه في الشركه وفي غيري اهلاويه ، ولو كانت بعثه الاهلي هي اللي معايا كنت هعمل نفس اللقطه بعلم الأهلي ، بس انا راجل بحب فريقي وبحب وطني ملهاش علاقه بأي حاجه تاني “.
وأتم :”علم نادي الزمالك كان معايا عشان البعثه معايا ، والنادي هو اللي بيمثل مصر برا وفخور بيه و فخور انه بيمثل وطني فرفعت العلم”.
