” اتجاملت بما فيه الكفايه ” .. شوبير يُظهر وجهه الحقيقي بسبب أزمه الزمالك واليكت التشادي

كشف الإعلامي أحمد شوبير عن وجهه الحقيقي بعد هجومه على الزمالك بسبب أزمه اللاعبين الدوليين بين الزمالك و منتخب مصر بقياده روي فيتوريا .

وكانت أزمه قد نشبت بين الزمالك و اتحاد الكره بسبب أزمه إستدعاء اللاعبين الدوليين وعدم وجود لاعبين للمشاركه مع الزمالك أمام اليكت التشادي .

وقال شوبير :”لما حصل ان مباراه الزمالك واليكت التشادي اتعارضت مع بطوله كأس لوسيل ، نادي الزمالك طلب ان الاتحاد المصري يأجل المباراه وبالفعل المباراه اتأجلت ، وكده الاتحاد الافريقي عمل اللي عليه وزياده”.

وواصل :”الاتحاد الافريقي جاملك كبلد بما يكفي وانت على علم تماما ان المباراه هتكون في الاجنده الدوليه فمحدش يقول الاتحاد الافريقي والكلام ده “.

وأكمل :”الزمالك بيقول اني معنديش غير ١٤ لعيب و حسام عبد المجيد مصاب و هياخد حقنه عشان يلعب ، الزمالك يحمد ربنا انه بيلاعب فريق تشادي ضعيف و الزمالك كسبان برا ارضه ٢ – ٠ لذلك الوضع مطمئن “.

وأضاف :”فيتوريا طلع النهارده بمعنى انتوا هتجننوني ولا ايه انا كنت واخد ٨ لعيبه و خليتهم ٤ عشان عندكوا ماتش رسمي وانا مقتنع بعواد ، وازاي اصلا يبقى فيه ماتش في الاجنده الدوليه “.

وأردف :”الراجل مكنش يعرف ان الماتش اتأجل عشان ماتش ودي والكلام ده ، والزمالك خد من الماتش مليون دولار محدش يقولي اتبرعنا والكلام ده لان الفلوس دي حق الزمالك ودخلت خزينه الزمالك “.

وأتم :”اتحاد الكره طلب تاني تأجيل الماتش ولكن منفعش لان مينفعش يتم تأجيل المتأجل اصلا “.