يوجه المستشار مرتضى منصور رئيس الزمالك، رساله ناريه لجمهور نادي الإتحاد السكندري، بسبب الصفقات التبادليه بين الفارس الابيض وزعيم الثغر.
وقال مرتضى منصور في تصريحات تليفزيونيه بقناة الزمالك: “ياجمهور الاتحاد الدنيا هات وخد، انت لما خدت مني سيسيه وشبانه وخالد قمر وعبد السلام وغيره وغيره بترفض ليه ان اخد لاعب من عندك”.
واضاف:” افرض عاوز لاعب منك والادارة وافقت، انت تقول يسقط مصيلحي، ليه لما اطلب لاعب وبادفع كويس، ولعيبتي لسه عندك تثور وتقلب الدنيا وتهاجم ادارتك”.
وشدد منصور:” ياجمهور الاتحاد المحترم انتم ليه كل لما نطلب لاعب تهاجموا، مصيلحي قالي عاوز شبانه وعبدالسلام ولاعب وقولتله عاوز لاعب من عندك علشان عندي ظروف معينه تقوله لا مينفعش وتثوروا”.
واختتم:” من فضلكم سيبوا رئيس النادي يتصرف لازم يكون في تبادل مش نديك ومناخدش”.
