كشف المتحدث الرسمي لنادي إنبي شريف أبو الغيط عن حقيقه وجود عروض للاعبي إنبي وخاصه الثنائي چون ايبوكا ومحمود جاد خلال الفتره المقبله.
وإرتبط إسم الثنائي بشكل كبير بنادي الزمالك خاصه في ظل بحث الزمالك عن تدعيم مركزي الهجوم وحراسه المرمى بعد رحيل بن شرقي واقتراب رحيل عمر السعيد ، بالإضافه لرحيل أبو جبل الفتره الماضيه.
وقال أبو الغيط :” ايبوكا لاعب مهم جدا واثبت كفائته الفتره الماضيه ، ولكن العروض كلها كانت شفهيه ومفيش حاجه رسمي ، ومعندناش مشكله نخليه يطلع ولكن يكون هناك مقابل مادي جيد و نوجد ليه بديل “.
وأضاف :”عرض ويجان بالنسبه لجاد مكنش واضح لينا واتقفل الانتقال خلاص للدوري الانجليزي ، جاد معانا ومتمسكين بيه “.
وأتم :”سمعنا عن عروض ولكن مجلناش اي حاجه رسمي وسمعنا عن عرض الزمالك واحنا معندناش مشكله انه يروح وبرضو في حال تواجد بديل والبديل بتاعه موجود ، لذلك احنا مش هنزعل الولد لو عاوز يروح ولكن مستنيين العروض الرسميه “.
