كشف الإعلامي أحمد شوبير عن كواليس أزمه محترف الزمالك الجديد البنيني سامسون اكينيولا ، كما كشف عن وجود مفاوضات مع لاعب أجنبي أخر من جانب اداره الزمالك قبل معرفتهم بقيد اكينيولا فوق السن .
وكان إتحاد الكره قد أعلن بالأمس في خطاب رسمي عن عدم قيد سامسون اكينيولا تحت السن وقيده ضمن الخمسه محترفين فوق السن لان اللاعب مواليد سنه 2000 مما فجر أزمه بشأن قيد اللاعب .
وقال شوبير :”الزمالك عنده مشكله فيما يخص سامسون اكينيولا ، انا كنت قولت من ١٥ يوم ان هيتم قيده فوق السن ولما الزمالك تعاقد مع اللعيب وجه مصر ومضى وعمل جلسه التصوير ، الزمالك كان متخيل انه هيقيده تحت السن وكان بيتفاوض مع لعيب اجنبي اخر”.
وواصل :”اتحاد الكره طلع بيان امس ان اللاعب مواليد ٢٠٠٠ هيتقيد فوق السن ، الزمالك اصبح في حيره هل هيستمر مع اللاعب خصوصا ان الزمالك خلص معاه كل حاجه واتصور كمان وجي غالي ، ولا الزمالك هيفض الشراكه معاه ويشوف محترف تاني”.
وأضاف :”اكينيولا جاي غالي وكان بياخد في فنزويلا حوالي ٥٠٠٠ دولار في الشهر ودلوقت هياخد مبلغ وقدره ونفس الكلام على برونو سافيو ، الناس بتعاملنا كأننا الخليج “.
وأتم :”زمان كان بمكالمات تليفونات اللوايح تتغير و اتحاد الكره يتفتح في الاجازات ولكن اتحاد الكره دلوقت مبيعملش كده والناس دي محترمه ليها اخطاء ولكنها غير مقصوده”.
