تراجع الإعلامي بقناه النادي الاهلي اسلام الشاطر عن تصريحاته بخصوص اللعب المالي النظيف و الانديه التي تقوم بعقد صفقات عديده رغم الحجز على ارصده النادي والايقاف عن القيد .
وكان اسلام الشاطر قد خرج بتصريحات بالامس بخصوص الانديه التي تتعاقد مع العديد من الصفقات رغم الحجز على الأرصده والايقاف عن القيد في اسقاط على الزمالك والاسماعيلي مما أثار غضب جماهيري واسع .
وقال الشاطر :” لما قانون اللعب المالي النظيف يتطبق ياريت الناس تعتذرلي لان مش اسلام الشاطر اللي قال ، لا اتحاد الكره اللي قال لا يجوز للانديه التعاقد مع صفقات الا في حدود الميزانيه المقدمه في التراخيص “.
وواصل :” هو حد مفكر ان الاسماعيلي لما يجيب ٢٠ صفقه هبقى انا متضايق ، ايه اللي هيزعلني بالعكس انا هبقى مبسوط ، لما الانديه تجيب ١٠٠ صفقه ايه هيضايقني ، ايه هيحصلي يعني “.
وأتم :” انا لما قولت الانديه المحجوز عليها والانديه الممنوعه من القيد كنت بتكلم بشكل عام ، بتكلم على ال١٨ نادي بما فيهم الاهلي “.
