حتحوت يكشف عن مفاجأت بالجمله في ملف ضم صبحي للزمالك .. ودور أمير مرتضى في عودته للفريق !
كشف الإعلامي هاني حتحوت عن العديد من المفاجأت في ملف عوده اللاعب محمد صبحي من جديد لصفوف الفريق بعد نهايه إعارته لنادي فاركو ، مشيراً للدور الهام لأمير مرتضى منصور في عوده اللاعب مره أخرى .
وكان الزمالك قد أعلن عن عوده محمد صبحي لصفوف الفريق مره أخرى بالأمس في مفاجأه مدويه ، وذلك تدعيماً لمركز حراسه المرمى بالفريق بعد رحيل أبو جبل .
وقال حتحوت:” ما علمناه ان كان فيه اتفاق بين امير مرتضى منصور ومحمد صبحي من زمان ، ورغم الغضب من اداره الزمالك من عدم اتمام رجوع الاعب ، كان امير مرتضى على تواصل دائم مع صبحي للعوده في نهايه الموسم “.
وواصل :”محمد صبحي طلب من اداره فاركو اول ما راح اعاره انه ميمضيش ٤ سنين لانه كان عاوز يعمل تقييم للفتره بتاعته مع فاركو وهما اللي قالوله انت بعد السنه اللي هتطلب تكمل معانا “.
وأكمل :”كان في تواصل رسمي من اداره الاهلي مع اداره فاركو من اجل صبحي ، واللاعب كان عنده رغبه في وقت سابق للاهلي ، ولكن كل ده كانت اداره الزمالك على علم بيه لان كان فيه اتفاق ان الزمالك يعرف كل حاجه “.
وأضاف :”حصلت هتافات جماهيريه من جماهير الزمالك ضد صبحي واللاعب فكر في الاهلي وبعدين تراجع بسبب انه حس ان المنافسه مع الشناوي ولطفي وشوبير ، فاركو تراجع لانه حس ان مش هيبقى فيه مكسب ليه ، الاهلي تراجع بسبب مستوى مصطفى شوبير و علي لطفي “.
وأردف :”الزمالك كان عنده مفاوضات مع محمود جاد و محمد بسام و عمر صلاح ولكنهم كانوا بيطمنوه احنا بنعمل كده بس انت لسه معانا “.
وإستطرد :”محمد صبحي هيتقاضى حوالي من ٥ لـ ٧ مليون و مضى من ٤ لـ ٥ مواسم ولكن دي عليها اختلاف “.
وأتم :”فاركو بيدرس الان انه يشوف كل بنود العقود عشان يقدم ما يثبت أحقيته في الحصول على اللاعب”.
