كشف الإعلامي هاني حتحوت عن سبب تغيير الأهلي لموقفه بشأن قيد كهربا والمساهمه في العقوبه الموقعه عليه والمستحقه لصالح نادي الزمالك.
وكان الأهلي قد قرر قيد اللاعب الهارب محمود عبد المنعم كهربا في قائمته المحليه إستعداداً للموسم الجديد .
وقال حتحوت :”كهربا كان تعرض لعقوبه بسببه هروبه من الزمالك مقدره باتنين مليون دولار بشويه بالاضافه للايقاف لحين الدفع “.
وواصل :”كهربا سيستمر في الأهلي بسبب الحاجه الفنيه ليه بطلب من الجهاز الفني “.
وأكمل :*الخطيب اجتمع مع لجنه التخطيط وسيد عبد الحفيظ و كان الاجتماع عن هنعمل ايه في قضيه كهربا ، اللجنه المكونه من سيد عبد الحفيظ وحسام غالي اجتمعت بكهربا ، وقالوله ها قصتك ايه قالهم الزمالك رافض التقسيط ومتمسكين بالدفع كامل”.
وأضاف :”اللجنه قالوله لو هندفع فلوس يبقى ده غلط علينا من الناحيه القانونيه ، ولكن باعتبارك ابن من ابناءنا ، لو جالك اي عروض بيع او اعاره هنمشيك فري ، وعقدك هتاخده كامل ومش هناخد منك جنيه “.
وأردف :”ظهر بعدها كهربا على انستجرام بنوعيه اللي باعنا ويارتنا ما عملنا كذا واغاني لاصاله والحاجات دي ، الكلام ده جه بالتزامن مع تصريحات مرتضى منصور بان لو كهربا قال مين حرضه هيسهل مسأله دفع الغرامه “.
وأتم :”الاهلي قال ايه الصداع ده وقرر يجتمع مع كهربا تاني وقرروا ان الاهلي هيشارك بنسبه من فلوس الغرامه وهتبقى موجوده في عقده الجديد وهتتسحب من عقده كخصم مع تمديد التعاقد مع اللاعب لمده موسمين زياده”.
