وجه الإعلامي سيف زاهر إشاده خاصه لإدارتي الزمالك والأهلي بسبب إدارتهم لملف الصفقات في ظل مغالاه أنديه الدوري في طلباتهم الماليه .
وقال سيف:” تحيه كبيرة لمجلس ادارة الزمالك والاهلي لانهم اشتركوا في حاجه لا راحوا يرضوا جمهورهم بصفقات على الفاضي، ومدخلوش في خناقات على الصفقات ولا فتحوا الخزن على بعض و لا زايدوا على الصفقات “.
وأضاف :”لازم الجمهور يكون في ضهر ادارته و يقول فين الصفقات هي الصفقات دي بطولات ؟”.
وواصل:” الانديه بتطلب في لاعب 25 مليون وكمان عليه 3 لاعيبه بس هو عمل ايه مفيش كده ولا في صناعه كده “.
وأكمل:” مسئولي الزمالك والاهلي يطلبوا يقولوا عاوزين الشروه دي يقولوا شكرا ،واخيرا اقتنعوا ان عندهم جوه سواء لعيبه شباب او مجهدين مش لازم علشان اصالح جمهوري اتعاقد مع لاعيبه”.
وإستطرد:” بقول للاندية التانيه اهدى في الارقام علشان الصناعه، رئيس نادي بيطلب 30 مليون هو في كده ؟”.
وأتم:” السنه دي مفيش صفقات ، لاحد بيشتري ولا بيبع، اي عقل يقول ان نادي يكون عنده لاعب وطالب قصاده نص فرقه؟”.
