كشف الإعلامي سيف زاهر عن أخر تطورات ملف الصفقات الجديده داخل نادي الزمالك ، خاصه بعد إعلان رئيس الزمالك عن عدم ظهوره إعلامياً بسبب انشغاله بإتمام ملف الصفقات .
وقال سيف : على مسئوليتي الشخصيه ، الزمالك مبيفاوضش اي حد خالص ، واتحداكوا لو أمير مرتضى منصور قعد مع حد دلوقت او الفتره اللي فاتت “.
وأضاف :”واحد يقولي ان المستشار مرتضى ممكن يكون قعد مع رئيس نادي يخلص امور ماديه ، اقوله اه ممكن لا مش تفاوض “.
وأكمل :”المستشار مرتضى والزمالك عندهم ميزه ، النادي بيدخل النادي من الباب ودي ميزه كبيره ، زي ما ايمن الشريعي رئيس انبي قال ان عندي علم بمفاوضات الزمالك مع لعيبه من انبي “.
وواصل :”القصه في المفاوضات والعقود بالنسبه للعيبه الزمالك خلصت ومن بدري ، وممكن أمير مرتضى يبقى معاه فائض يعني مخلص مع لاعب وبديله و داخل في الباقي دناوه بحيث يعرف يتفاوض بيه “.
وأردف :”الزمالك عمل الموسم الاكثر هدوءاً في الانتقالات ، الزمالك عمل الموسم الارخص في الانتقالات ، والغالي اتقاله كل سنه وانت طيب و كان عندنا وخلص ”
وإستطرد :”واحد يقولي الكلام ده بينطبق على الأجانب اقوله لا ولو ان الزمالك ممضي معظم اجانبه فري ، الزمالك مدخلش ولا خناقه مع الأهلي السنادي ”
وأتم :”الزمالك دلوقت معاه البضاعه ، بمعنى ان الانديه اللي بتقوله عاوز ده اعاره يقوله اتفضل ، في اللحظات الاخيره لو في فرده تقيله بسعر حنين هيدخل فيه عادي ،الزمالك ممكن يكون بيفاوض محمود جاد حارس انبي ، ولكن الزمالك اصلا مخلص مع حارس مرمى وممضيه”.
