كشف الإعلامي سيف زاهر عن كواليس العرض من نادي الريان القطري لضم نجم الفريق أحمد السيد زيزو خلال فتره الإنتقالات الحاليه ، كما أشار لوجود عروض لضم اثنان من اللاعبين الناشئين بالإضافه لإمام عاشور ولكن تم رفض العروض .
وقال سيف :” الزمالك كان فالاول عنده مشكله في الفلوس ودلوقت بقا عنده فائض في الفلوس ، الزمالك عنده بعض لاعبي الفريق بالزمالك وهما حوالي ٤ او ٥ لاعبين جايلهم عروض وصلت ل٣٥٠ مليون جنيه”.
وواصل :”اللاعبين دول هما زيزو و امام عاشور و٢ لاعبين ناشئين جايلهم عروض خارجيه ،الزمالك حط مبدأ إن اللي عاوز يمشي يمشي والمستشار مرتضى و فيريرا عندهم القدره انه يعوضوا ده “.
وفيما يخص زيزو قال :”ما يخص زيزو ، المشهد الخاص بزيزو ده حاجه خاصه جدا ، زيزو عنده شرط جزائي في عقده ب٢ ونص مليون دولار ، وساعتها محدش كان متوقع ان زيزو يوصل انه يطير ويتوهج بالشكل ده ، زيزو دلوقت في حته تانيه خالص “.
وأكمل :”زيزو جايله رقم خيالي ، حوالي ٣ مليون دولار في السنه ، في وفد من النادي القطري اللي عاوزه يشتريه كان موجود في مصر و اتعمل جلسه مع المستشار مرتضى منصور ، واتعرض للزمالك ١٠٠ مليون جنيه في زيزو “.
وواصل :”انا معرفش لحد دلوقت البيعه دي هتمشي ازاي و كلمت كل الناس في الزمالك وكلمت المستشار مرتضى منصور نفسه ، المستشار مرتضى مخدتش منه اي اجابه غير شعار واحد بس ، انا امامي حب ملايين الزملكاويه لزيزو و امامي ملايين الدولارات برضو “.
وأضاف :”انا معنديش رد قاطع من اي طرف لا من طرف زيزو ولا من طرف رئيس النادي ، الخبر الخاص بزيزو ممكن يبقى قريب وبعد قليل “.
وأتم :”احساسي الشخصي وان شاء الله هتطلع مظبوطه ، زيزو هيكمل في نادي الزمالك”.
